વડાપ્રધાન નરેન્દ્ર મોદી આજથી 15 ડિસેમ્બરથી ત્રણ દેશોના પ્રવાસે જશે. પીએમ મોદી કુલ ચાર દિવસમાં ત્રણ દેશોની મુલાકાત લેશે. આ દરમિયાન તેઓ જોર્ડન, ઈથોપિયા અને ઓમાનની સરકારી મુલાકાતે જશે. વડાપ્રધાન મોદીની મુલાકાતનો મુખ્ય ઉદ્દેશ્ય દ્વિપક્ષીય ભાગીદારીને મજબૂત કરવાનો અને વેપાર, સંરક્ષણ અને ક્ષેત્રીય સુરક્ષાને પ્રોત્સાહન આપવાનો છે.
પીએમ આજથી ત્રણ દેશોના પ્રવાસે છે
વડાપ્રધાન મોદીનો પ્રવાસ આજથી શરૂ થઈ રહ્યો છે. 15-16 ડિસેમ્બરે પીએમ મોદી જોર્ડનના રાજા અબ્દુલ્લા II બિન અલ-હુસૈન સાથે દ્વિપક્ષીય વાતચીત કરશે. 16-17 ડિસેમ્બરના રોજ, પીએમ મોદી ઇથોપિયાની મુલાકાત લેશે, અને તેમના પ્રવાસના છેલ્લા સ્ટોપ પર, 17-18 ડિસેમ્બરે, તેઓ ઓમાનની સલ્તનતની મુલાકાત લેશે.
પીએમ મોદી જોર્ડનના રાજાને મળશે
તેમની મુલાકાત દરમિયાન વડાપ્રધાન મોદી જોર્ડન પણ જશે. વિદેશ મંત્રાલયના નિવેદન અનુસાર પીએમ મોદીની જોર્ડન મુલાકાતથી બંને દેશો વચ્ચેના સંબંધો વધુ મજબૂત થશે. તેનાથી ભારત અને જોર્ડન વચ્ચે આર્થિક સહયોગ વધશે અને આ ક્ષેત્રમાં શાંતિ સ્થાપિત કરવામાં મદદ મળશે. આ દરમિયાન પીએમ મોદી જોર્ડનના રાજાને પણ મળશે.
પીએમ પ્રથમ વખત ઇથોપિયાની મુલાકાત લેશે
16 ડિસેમ્બરે પીએમ મોદી ઈથોપિયા જવા રવાના થશે. પૂર્વ આફ્રિકન દેશ ઈથોપિયાની પીએમ મોદીની આ પ્રથમ મુલાકાત હશે. આ મુલાકાત દરમિયાન પીએમ મોદી અદીસ અબાબામાં ઈથોપિયાના વડાપ્રધાન અબી અહમદ અલી સાથે દ્વિપક્ષીય વાતચીત કરશે.
પીએમ ઓમાનની પણ મુલાકાત લેશે
ઈથોપિયા બાદ પીએમ મોદી 17 ડિસેમ્બરે ઓમાનની મુલાકાત લેશે. ઓમાનની સલ્તનતની મુલાકાત દરમિયાન પીએમ મોદી સુલતાન હૈથમ બિન તારિકને મળશે. ભારત અને ઓમાનના દ્વિપક્ષીય સંબંધોના 70 વર્ષ પૂર્ણ થયા છે અને આ પ્રસંગની યાદમાં પીએમ મોદીએ ઓમાનની મુલાકાત લેવાનું નક્કી કર્યું છે. 2023 પછી પીએમ મોદીની ઓમાનની આ બીજી મુલાકાત હશે.
