રાજસ્થાન હાઈકોર્ટે લિવ-ઈન રિલેશનશિપને લઈને મહત્વનો નિર્ણય આપ્યો છે. કોર્ટે સ્પષ્ટ કહ્યું કે જો છોકરો અને છોકરી લગ્નની ઉંમરના ન હોય તો પણ તેઓ પોતાની ઈચ્છા મુજબ સાથે રહી શકે છે. કોટાની એક 18 વર્ષની છોકરી અને 19 વર્ષના યુવકની અરજીની સુનાવણી દરમિયાન આ નિર્ણય આવ્યો.
સુનાવણીમાં સરકારી વકીલે દલીલ કરી હતી કે તે બંને લગ્નની ઉંમરના નથી, તેથી તેમને લિવ-ઈન રિલેશનશિપમાં રહેવાની મંજૂરી આપી શકાય નહીં. કોર્ટે આ દલીલ સ્વીકારવાનો ઇનકાર કર્યો હતો. જસ્ટિસ અનૂપ ધંડે કહ્યું કે બંધારણની કલમ 21 દરેક વ્યક્તિને જીવન અને વ્યક્તિગત સ્વતંત્રતાનો અધિકાર આપે છે. આવી સ્થિતિમાં કોઈપણ પ્રકારની ધમકી કે દબાણને બંધારણીય અધિકારોનું ઉલ્લંઘન ગણવામાં આવશે.
કોર્ટે સ્પષ્ટ કર્યું હતું કે કોઈ પણ વ્યક્તિને તેના મૂળભૂત અધિકારોથી માત્ર એટલા માટે વંચિત કરી શકાય નહીં કારણ કે તે લગ્નની ઉંમરની નથી. ઉપરાંત, લિવ-ઇન રિલેશનશિપ ન તો ગેરકાયદેસર છે અને ન તો તે કોઈપણ ગુનાની શ્રેણીમાં આવે છે.
