રાજસ્થાન સરકાર બુધવારે વિધાનસભામાં નાણાકીય વર્ષ 2026-27નું બજેટ રજૂ કરશે. નાયબ મુખ્યમંત્રી અને નાણામંત્રી દિયા કુમારી સવારે 11 વાગ્યે ગૃહમાં બજેટ ભાષણ આપશે. મંગળવારે બજેટની દરખાસ્તોને આખરી ઓપ આપતા ફાઈલોને ઔપચારિક રીતે લોક કરવામાં આવી હતી.
નાયબ મુખ્યમંત્રી કાર્યાલયમાં મળેલી ઉચ્ચસ્તરીય બેઠકમાં નાણા વિભાગના વરિષ્ઠ અધિકારીઓ ઉપસ્થિત રહ્યા હતા. બેઠકમાં અગ્ર સચિવ (નાણા) વૈભવ ગલરિયા, સચિવ નાણાં (ખર્ચ) ટીના સોની, સચિવ નાણાં (બજેટ) રાજન વિશાલ, સચિવ નાણાં (મહેસૂલ) કુમારપાલ ગૌતમ અને નાણાં નિયામક (બજેટ) બ્રિજેશ કિશોર શર્માએ વિવિધ જોગવાઈઓ અને પ્રાથમિકતાઓની સમીક્ષા કરી હતી.
સરકાર વિકસિત રાજસ્થાન @2047ના લક્ષ્યને ધ્યાનમાં રાખીને બજેટ તૈયાર કરી રહી છે. વિવિધ વર્ગો આ બજેટમાંથી રાહત અને નવી જાહેરાતોની અપેક્ષા રાખી રહ્યા છે.
