સાડી એ ભારતીય સ્ત્રીઓનું મુખ્ય વસ્ત્ર છે. દરેક રાજ્યમાં મહિલાઓની સાડી પહેરવાની રીત અલગ-અલગ હોઈ શકે છે, પરંતુ સાડી એ ભારતીય મહિલાઓની સુંદરતા, ગૌરવ અને ઓળખનું પ્રતીક છે. જો કે, હવે સાડી પહેરવાની ઘણી શૈલીઓ તેમજ સાડીઓના પ્રકારો છે. હવે તો વિદેશી મહિલાઓ પણ સાડી પહેરવાનું પસંદ કરે છે. ત્યારે 21મી ડિસેમ્બરે વિશ્વ સાડી દિવસ છે. તો ચાલો જાણીએ ભારતમાં કઈ સાડીઓ સૌથી મોંઘી છે.
કાંચીપુરમ સાડી
કાંચીપુરમ સાડીઓ દક્ષિણ ભારતના તમિલનાડુ રાજ્યમાંથી આવે છે. તે તેના શ્રેષ્ઠ રેશમ અને ઉત્કૃષ્ટ કારીગરી માટે પ્રખ્યાત છે. જ્યારે સાડીઓ પર સોના અથવા ચાંદીના દોરાઓથી ભરતકામ કરવામાં આવે છે, ત્યારે તેની કિંમત લાખો સુધી પહોંચી જાય છે. કાંચીપુરમ સિલ્ક સાડીની કિંમત 1 લાખ રૂપિયાથી લઈને 10 લાખ રૂપિયા સુધીની છે.
પાટણ પટોળા સાડી
ગુજરાતની આ સાડી પણ ભારતની સૌથી મોંઘી સાડીઓમાંની એક છે. આ પટોળા સાડી ગુજરાતના પાટણમાં બનાવવામાં આવે છે. આ સાડી ડબલ ઇકટ ટેક્નિકથી બનાવવામાં આવી છે. તેની તૈયારીમાં ઘણો સમય લાગે છે. આ 6 ગજની સાડી માટે, ટાઈ અને ડાઈની ડિઝાઈન વાર્પ થ્રેડ વડે કરવામાં આવે છે. આ સાડીને તૈયાર કરવામાં 3 થી 4 મહિનાનો સમય લાગે છે. તેની કિંમત 2 લાખથી 10 લાખ રૂપિયા સુધીની છે.
બનારસી સાડી
બનારસી સાડી એ ભારતની સૌથી પ્રખ્યાત અને મોંઘી સાડી બ્રાન્ડ્સમાંની એક છે. બનારસી સાડીઓ બનારસ (વારાણસી)માં બનાવવામાં આવે છે. તેને બનાવવા માટે સિલ્કના દોરા અને સોના અને ચાંદીના તારનો ઉપયોગ કરવામાં આવે છે. આ સાડી પહેરવાથી સંપૂર્ણપણે રોયલ લુક મળે છે. તમને જણાવી દઈએ કે કેટલીક બનારસી સાડીઓની કિંમત 50 હજાર રૂપિયાથી લઈને 5 લાખ રૂપિયા સુધીની હોઈ શકે છે.
મૂંગી સિલ્ક સાડી
મૂંગા સિલ્ક સાડી આસામના પરંપરાગત વસ્ત્રોમાંથી એક છે. આ સાડી સુંદર આસામી મોટિફથી શણગારેલી છે. તમને જણાવી દઈએ કે આ સાડી પીળા અને સોનેરી ચમકદાર ટેક્સચરમાં આવે છે, જે વર્ષો સુધી બગડતી નથી. માર્કેટમાં આ સાડીઓ 2 હજાર રૂપિયાથી શરૂ થાય છે અને 2 લાખ રૂપિયા સુધી જાય છે.
જરદોસી વર્ક સાડી
જરદોઝી એ ભરતકામનો એક પ્રકાર છે. જેમાં સોના અને ચાંદીના દોરાથી ભરતકામ કરવામાં આવે છે. જેમાં મોતી, સિક્વિન્સ અને સ્ટોન્સનો પણ ઉપયોગ કરવામાં આવ્યો છે. જરદોઝી વર્કની સાડીઓ ખાસ કરીને લગ્નો કે ખાસ ફંક્શન માટે બનાવવામાં આવે છે. તેની કિંમત 2 લાખથી 15 લાખ સુધીની છે.
