નવી દિલ્હી/સેન ફ્રાન્સિસ્કો, 14 જાન્યુઆરી, 2026: H-1B Visa અમેરિકામાં H-1B વિઝાના નિયમો વધુ કડક બનતા અને વિઝા મેળવવાની પ્રક્રિયા જટિલ થતા, અમેરિકી ટેક દિગ્ગજ કંપનીઓએ તેમની રણનીતિ બદલી છે. માઈક્રોસોફ્ટ (Microsoft), ગૂગલ (Google) અને એમેઝોન (Amazon) જેવી કંપનીઓ હવે અમેરિકામાં કર્મચારીઓ બોલાવવાને બદલે ભારતમાં જ તેમના ઓપરેશન્સ અને હાયરિંગ (ભરતી) ને વ્યાપક સ્તરે વિસ્તારવાની યોજના બનાવી રહી છે.
મુખ્ય કારણો:
અમેરિકામાં દર વર્ષે H-1B વિઝા માટેની લોટરી સિસ્ટમ અને વધતા રિજેક્શન રેટને કારણે કંપનીઓ પ્રતિભાશાળી એન્જિનિયરોને અમેરિકા લઈ જઈ શકતી નથી. અમેરિકાની સરખામણીએ ભારતમાં કુશળ ટેલેન્ટ ઓછા ખર્ચે ઉપલબ્ધ છે, જેનાથી કંપનીઓના ઓપરેશનલ ખર્ચમાં 30% થી 40% સુધીનો ઘટાડો થઈ શકે છે. કોરોના બાદ વિકસેલી રિમોટ વર્કિંગ સંસ્કૃતિએ સાબિત કર્યું છે કે ઉચ્ચ કક્ષાનું ટેકનિકલ કામ ભારત જેવા દેશોમાંથી પણ અસરકારક રીતે થઈ શકે છે.
રોજગારીની તકો: બેંગલુરુ, હૈદરાબાદ અને પુણે જેવા શહેરોમાં હજારો નવી હાઈ-ટેક નોકરીઓનું સર્જન થશે. આ કંપનીઓ ભારતમાં તેમના ‘ગ્લોબલ કેપેબિલિટી સેન્ટર્સ’ નો વિસ્તાર કરી રહી છે, જે માત્ર સપોર્ટ સેન્ટર નહીં પરંતુ હવે મુખ્ય પ્રોડક્ટ ડેવલપમેન્ટનું કામ પણ કરશે. જે ભારતીય ટેલેન્ટ વિઝાના કારણે અમેરિકા નથી જઈ શકતા, તેમને હવે દેશમાં જ વૈશ્વિક સ્તરનું કામ અને પેકેજ મળી રહેશે.
