ઇન્ડોનેશિયા: બ્રિટિશ અને ઇન્ડોનેશિયાના વૈજ્ઞાનિકોની સંયુક્ત ટીમે ઇન્ડોનેશિયાના એક ટાપુ પશ્ચિમ સુમાત્રાના વરસાદી જંગલોમાં વિશ્વના દુર્લભ ફૂલ, Rafflesia hasseltiiની શોધ કરી છે.
આ ફૂલ લગભગ એક દાયકાથી જંગલમાં જોવા મળ્યું ન હતું અને વૈજ્ઞાનિકોનું કહેવું છે કે આ શોધ વનસ્પતિ વિજ્ઞાનની દુનિયામાં એક મોટી સફળતા છે. આ શોધનો વીડિયો પણ સોશિયલ મીડિયા પર વાયરલ થયો છે, જેમાં વૈજ્ઞાનિકોની મહેનત અને ભાવનાત્મક પળો દર્શાવવામાં આવી છે.
વિડિયો અનુસાર, વૈજ્ઞાનિકોએ આ દુર્લભ ફૂલને શોધવા માટે 13 વર્ષ સુધી સખત મહેનત કરી, જેનો ઉદ્દેશ્ય વન્યજીવનને તેના અસ્તિત્વમાં ફરીથી લાવવાનો હતો. આ શોધથી વનસ્પતિ સંશોધન અને જૈવવિવિધતા સંરક્ષણમાં મદદ મળવાની અપેક્ષા છે.
