સુરત કામરેજના ધારાસભ્ય શ્રી પ્રફુલભાઈ પાનસેરિયાને બીજી વખત મંત્રી તરીકેની જવાબદારી સોંપવામાં આવી છે.
(G.N.S) તા. 17
ગાંધીનગર/સુરત,
ગુજરાત સરકારના નવા મંત્રીમંડળમાં શ્રી પ્રફુલભાઈ પાનસેરિયાને ફરીથી મંત્રીપદ સોંપવામાં આવ્યું છે. ભાજપના મોવડી મંડળે પ્રફુલભાઈ પાનસેરિયાને બીજી વખત મંત્રી તરીકેની જવાબદારી સોંપી છે. 54 વર્ષના પ્રફુલ પાનસેરિયાનો જન્મ 1 જૂન, 1971ના રોજ થયો હતો.
પ્રફુલભાઈ પાનસેરિયા દક્ષિણ ગુજરાતમાંથી આવતા જાણીતા પાટીદાર ચહેરો છે. તેઓ સુરતની કામરેજ વિધાનસભા બેઠકનું પ્રતિનિધિત્વ કરે છે. 2012થી તેઓ સતત આ બેઠક પરથી ધારાસભ્ય તરીકે ચૂંટાતા આવ્યા છે. તેણે MA અને MBA સુધીનો અભ્યાસ કર્યો છે. ગુજરાત સરકારમાં શિક્ષણ રાજ્ય મંત્રી તરીકે તેમણે ઉત્તમ સેવાઓ આપી છે.
તેમના અગાઉના કાર્યકાળ દરમિયાન, તેમની સમજદારી, નમ્ર સ્વભાવ, સતત જાહેર સંપર્ક, કાર્ય કુશળતા અને કાર્યશૈલી સમાચારોમાં રહી છે.
રાજ્ય સરકારમાં ખૂબ જ સારા અને પ્રભાવશાળી શિક્ષણ મંત્રી તરીકે ફરજ બજાવનાર પ્રફુલભાઈને ફરી એકવાર નવા મંત્રીમંડળમાં સ્થાન આપવામાં આવ્યું છે. તેઓ સુરતની કામરેજ બેઠકનું પ્રતિનિધિત્વ કરે છે અને 2012 થી સતત આ બેઠક પરથી ધારાસભ્ય તરીકે ચૂંટાયા છે. તેમણે એમએ (રાજકીય વિજ્ઞાન) અને એમબીએનો અભ્યાસ કર્યો છે, જે તેમને શિષ્ટાચાર અને શાણપણ સાથે ભાજપનો શિક્ષિત ચહેરો બનાવે છે. પ્રફુલ પાનસેરિયાની ખાસ વાત એ છે કે તેઓ મંત્રી તરીકે સારો અનુભવ ધરાવે છે અને નિર્વિવાદ નેતા તરીકેની છાપ ધરાવે છે.
તેઓ સુરતના ડાયમંડ સિટીમાંથી ભાજપના યુવા મોરચામાંથી તેમની રાજકીય કારકિર્દીમાં જોડાયા હતા. વર્ષ 2012 માં, તેઓ પ્રથમ વખત ચૂંટણી લડ્યા હતા, જેમાં તેઓ ભવ્ય જીત્યા હતા. ત્યારથી તે રાજકારણમાં વધુ સક્રિય છે. વર્ષ 2022માં પણ તેઓ કામરેજ બેઠક પરથી ધારાસભ્ય તરીકે ચૂંટાયા હતા. રાજ્યકક્ષાના મંત્રી તરીકે પણ રાજ્ય સરકારમાં મહત્વની ભૂમિકા ભજવી છે. સામાજિક અને શૈક્ષણિક કાર્ય સાથે હંમેશા જોડાયેલા રહ્યા છે. તેમની રાજકીય સફરમાં તેમણે રાજ્યના તમામ વર્ગોના વિકાસ અને શિક્ષણના મૂલ્યોને પ્રાથમિકતા આપી છે. તેઓ ગુજરાતના રાજકારણમાં પ્રભાવશાળી વ્યક્તિત્વ છે. તેમને ફરીથી કેબિનેટમાં સ્થાન મળતા અને મંત્રી તરીકેના શપથ લેતા તેમના પરિવારજનો અને સમર્થકોમાં ભારે ખુશીનો માહોલ જોવા મળ્યો હતો અને કામરેજ ભાજપ તાલુકા કાર્યાલયમાં મોં મીઠું કરાવીને ફટાકડા ફોડીને ઉજવણી કરવામાં આવી હતી.
