જયપુરઃ ભારતીય સેનાની બહાદુરી અને બલિદાન પર આધારિત ફિલ્મ ‘120 બહાદુર’ને રાજસ્થાનમાં ટેક્સ ફ્રી જાહેર કરવાની માંગ ઉઠી છે. શિવ ધારાસભ્ય રવિન્દ્ર સિંહ ભાટીએ મુખ્યમંત્રી ભજનલાલ શર્માને પત્ર લખીને રાજ્યમાં આ ફિલ્મને મનોરંજન કરમાંથી મુક્તિ આપવા વિનંતી કરી છે.
રવીન્દ્ર સિંહ ભાટીએ પત્રમાં લખ્યું છે કે 120 બહાદુર જેવી ફિલ્મો આપણા સમાજમાં દેશભક્તિ, અનુશાસન અને બલિદાનના આદર્શોને જીવંત રાખવાનું કામ કરે છે. 120 બહાદુર દેશની રક્ષા માટે આપણા સૈનિકોએ કરેલા બલિદાનની વાર્તા કહે છે.
આ ફિલ્મ દ્વારા યુવા પેઢીને સંદેશ મળશે કે દેશની રક્ષા કરતા મોટી કોઈ ફરજ નથી અને દેશ માટે બલિદાન એ સર્વોચ્ચ સન્માન છે. આ ફિલ્મને ટેક્સ ફ્રી કરવાથી સમાજના તમામ વર્ગો, ખાસ કરીને વિદ્યાર્થીઓ અને યુવાનોને તેને જોવાની તક મળશે, જેથી તેઓ આપણા શહીદોની અમર ગાથામાંથી પ્રેરણા મેળવી શકે.
