રાજસ્થાનમાં ખાનગી બસ ઓપરેટરોએ સરકાર સામે મોરચો ખોલ્યો છે. મંગળવારે જયપુરમાં મળેલી રાજ્યભરના બસ માલિકોની બેઠકમાં તમામ ઓપરેટરોએ સર્વસંમતિથી સરકારને 24 કલાકનું અલ્ટીમેટમ આપ્યું હતું. જો તેમની માંગણીઓ પર કાર્યવાહી કરવામાં નહીં આવે તો સમગ્ર રાજ્યમાં બસોનું સંચાલન બંધ કરી દેવામાં આવશે અને રસ્તાઓ બ્લોક કરવામાં આવશે તેવી ચીમકી આપવામાં આવી હતી. આ સ્થિતિમાં લાખો મુસાફરોને ભારે મુશ્કેલીનો સામનો કરવો પડી શકે છે.
બેઠકમાં ઓપરેટરોને એકજૂટ રહેવા અપીલ કરી હતી અને જણાવ્યું હતું કે, એક સાથે હજારો બસોમાં ફેરફાર કરવો શક્ય નથી. તેથી પરિવહન વિભાગે ઓછામાં ઓછો ત્રણ મહિનાનો સમય આપવો જોઈએ. તેઓનો આક્ષેપ છે કે વિભાગના આદેશને કારણે બસ માલિકો પર બિનજરૂરી દબાણ કરવામાં આવી રહ્યું છે.
બેઠકમાં વાહનવ્યવહાર વિભાગ સામે આંદોલનને વધુ ઉગ્ર બનાવવાની પણ સહમતિ સધાઈ હતી. ઓપરેટરોએ સ્પષ્ટપણે કહ્યું હતું કે જ્યાં સુધી સરકાર કોઈ વ્યવહારુ ઉકેલ નહીં કાઢે ત્યાં સુધી તેઓ પાછા હટશે નહીં.
