રશિયાની નજર અમેરિકન અબજોપતિ એલોન મસ્કની સ્ટારલિંક પર છે, જે રશિયા સામેના યુદ્ધમાં યુક્રેનિયન સૈનિકોની મદદ કરી રહી છે.
નાટો સાથે જોડાયેલા બે દેશોની ગુપ્તચર એજન્સીઓનું માનવું છે કે રશિયાએ યુક્રેનની કમર તોડવા માટે એક નવું એન્ટી-સેટેલાઇટ હથિયાર વિકસાવ્યું છે, જે પૃથ્વીની નીચી ભ્રમણકક્ષામાં સ્થાપિત સ્ટારલિંક ઉપગ્રહોને નિશાન બનાવી શકે છે. આ હથિયાર પૃથ્વીની ભ્રમણકક્ષામાં ઘણા બધા ઉચ્ચ ઘનતાવાળા શ્રાપનેલ છોડશે, જે ઉપગ્રહને નષ્ટ કરી શકે છે.
નિષ્ણાતો શું કહે છે?
જો કે, નિષ્ણાતો માને છે કે આનાથી માત્ર સ્ટારલિંકને જ નહીં, પરંતુ અન્ય ઉપગ્રહોને પણ નુકસાન થશે. ગુપ્તચર એજન્સીઓએ આ હથિયારને ‘ઝોન ઈફેક્ટ’ નામ આપ્યું છે.
જો કે, કોલોરાડો સ્થિત સિક્યોર વર્લ્ડ ફાઉન્ડેશનના અવકાશ સુરક્ષા નિષ્ણાત વિક્ટોરિયા સેમસનનું માનવું છે કે આવા હથિયારોનો ઉપયોગ કરીને રશિયા પોતાને અને તેના મિત્ર દેશોને નુકસાન પહોંચાડશે, તેથી તેનો ઉપયોગ આશ્ચર્યજનક હશે. ક્રેમલિનના પ્રવક્તા દિમિત્રી પેસ્કોવે આ અંગે કોઈ પ્રતિક્રિયા આપી નથી.
