મુંબઈ, 22 જાન્યુઆરી (NEWS4). બોલિવૂડ એક્ટર રાજપાલ યાદવ, કોરિયોગ્રાફર રેમો ડિસોઝા અને સિંગર સુગંધા મિશ્રાને ધમકીભર્યા ઈ-મેલ મળ્યા છે. આ ધમકી પાકિસ્તાન તરફથી મોકલવામાં આવી છે. આ પછી સંબંધિત કલાકારોએ પોલીસમાં ફરિયાદ નોંધાવી.
મુંબઈના અંબોલી પોલીસ સ્ટેશનમાં અજાણ્યા વ્યક્તિ વિરુદ્ધ કેસ નોંધવામાં આવ્યો છે અને તપાસ શરૂ કરવામાં આવી છે.
આ ધમકીભર્યા ઈ-મેલમાં લખવામાં આવ્યું છે કે અમે તમારા પર નજર રાખી રહ્યા છીએ અને અમે તમને એક સંવેદનશીલ મામલાની જાણ કરીએ તે જરૂરી છે. આ કોઈ પબ્લિસિટી સ્ટંટ કે તમને હેરાન કરવાનો પ્રયાસ નથી. અમે તમને આ સંદેશને અત્યંત ગંભીરતા અને ગોપનીયતા સાથે લેવા વિનંતી કરીએ છીએ. જો તમે આના પર ધ્યાન નહીં આપો, તો તેના ગંભીર પરિણામો આવી શકે છે, જે તમારા વ્યાવસાયિક અને અંગત જીવનને અસર કરી શકે છે.
ઈ-મેઈલમાં આગળ લખ્યું છે કે અમે આગામી 8 કલાકમાં તમારા તરફથી ત્વરિત પ્રતિસાદની અપેક્ષા રાખીએ છીએ, અન્યથા અમે માની લઈશું કે તમે આ બાબતને ગંભીરતાથી લઈ રહ્યાં નથી અને અમે જરૂરી પગલાં લઈશું. ઈ-મેલના અંતે વિષ્ણુ લખેલું છે.
ફરિયાદ નોંધ્યા બાદ પોલીસે આ મામલે તપાસ શરૂ કરી છે. પોલીસે કહ્યું કે આ ધમકી પાકિસ્તાન તરફથી મોકલવામાં આવી છે. કલાકારોને મોકલવામાં આવેલા ધમકીભર્યા ઈ-મેલ બાદ તેમના ચાહકો અને પરિવારના સભ્યો પણ ચિંતિત છે.
–NEWS4
PSK/CBT
