વડા પ્રધાન નરેન્દ્ર મોદી 15-18 ડિસેમ્બર, 2025 દરમિયાન જોર્ડન, ઇથોપિયા અને ઓમાનની મુલાકાત લેશે. આ પ્રવાસનો હેતુ મધ્ય પૂર્વ અને આફ્રિકામાં ભારતની મહત્વપૂર્ણ ભાગીદારીને વધુ ગાઢ બનાવવાનો છે. પ્રવાસના પહેલા ભાગમાં, વડાપ્રધાન મોદી 15-16 ડિસેમ્બરે હાશેમાઈટ રાજાશાહી જોર્ડનની મુલાકાત લેશે. જોર્ડનના રાજા મહામહિમ કિંગ અબ્દુલ્લા II બિન અલ હુસૈનના આમંત્રણ પર આ મુલાકાત થઈ રહી છે.
ભારત-જોર્ડન સંબંધોના 75 વર્ષ
PM મોદી ભારત-જોર્ડન સંબંધોની સમીક્ષા કરવા કિંગ અબ્દુલ્લા II સાથે મુલાકાત કરશે અને પ્રદેશના વિકાસ પર તેમના વિચારો શેર કરશે. આ મુલાકાત બંને દેશો વચ્ચેના રાજદ્વારી સંબંધોની 75મી વર્ષગાંઠ સાથે એકરુપ છે અને બંને દેશો વચ્ચે સહકારને મજબૂત કરવાની તક પૂરી પાડશે, ભાગીદારીની નવી તકો શોધશે અને આ ક્ષેત્રમાં શાંતિ, સમૃદ્ધિ, સુરક્ષા અને સ્થિરતાને પ્રોત્સાહન આપવા માટે ભારતની પ્રતિબદ્ધતાનો પુનરોચ્ચાર કરશે.
પીએમ મોદી પહેલીવાર ઈથોપિયા જશે
આ પછી પીએમ મોદી 16-17 ડિસેમ્બરે ઇથોપિયા જવા રવાના થશે. આ મુલાકાત ઈથોપિયાના વડાપ્રધાન ડો. અબી અહેમદ અલીના આમંત્રણ પર થઈ રહી છે. મોદીની ફેડરલ ડેમોક્રેટિક રિપબ્લિક ઓફ ઈથોપિયાની આ પ્રથમ મુલાકાત હશે.
17-18 ડિસેમ્બરે ઓમાન જશે
પોતાના પ્રવાસના છેલ્લા ભાગમાં વડાપ્રધાન મોદી 17-18 ડિસેમ્બરે ઓમાનની મુલાકાત લેશે. આ મુલાકાત ઓમાનના સુલતાન, મહામહિમ સુલતાન હૈથમ બિન તારિકના આમંત્રણ પર થઈ રહી છે. પીએમ મોદીની ઓમાનની આ બીજી મુલાકાત છે અને બંને દેશો વચ્ચેના રાજદ્વારી સંબંધોની 70મી વર્ષગાંઠ પણ છે. ભારત અને ઓમાન વચ્ચે ઐતિહાસિક વેપાર અને સાંસ્કૃતિક સંબંધો અને લોકો વચ્ચેના મજબૂત સંબંધો પર આધારિત મહાન વ્યૂહાત્મક ભાગીદારી છે.
