અમદાવાદ, 12 જાન્યુઆરી, 2026: ગુજરાતની મુલાકાતે આવેલા વડાપ્રધાન નરેન્દ્ર મોદી અને જર્મન ચાન્સલર ફ્રેડિરક મર્જ વચ્ચે પાટનગર ગાંધીનીગરમાં દ્રીપક્ષીય બેઠક યોજાઈ હતી. જેમાં વડાપ્રધાન નરેન્દ્ર મોદીએ જણાવ્યું હતું કે, ભારત-જર્મની નજીકના સહયોગી છે. એટલા માટે જ આજે ભારતમાં 2000 કરતા વધારે જર્મન કંપની કાર્યરત છે. આ જર્મનીની ભારત પ્રત્યેની અતૂટ વિશ્વાસ દર્શાવે છે. વડાપ્રધાન નરેન્દ્ર મોદીએ જણાવ્યું હતું કે, આજે ઉચ્ચ શિક્ષણ અંગે બનેલો રોડમેપ શિક્ષા ક્ષેત્રમાં અમારી ભાગીદારીને નવી દિશા આપશે. ભારતમાં અમે જર્મનીની યુનિવર્સિટીઓને આવવાનું આમંત્રણ આપીએ છીએ. ભારત અને જર્મની વચ્ચે હેલ્થકેર પ્રોફેશનલની આવાજાહી ઝાય છે. બંને દેશ વચ્ચે ઐતિહાસિક સંબંધ છે. આ ઉપરાંત અમે ગાઝા અને યુક્રેન સંકટ અંગે પણ વાતચીત કરી છે.
બંને દેશના વિકાસને લઈને વડાપ્રધાન મોદીએ વધુમાં જણાવ્યું હતું કે, અમે અનેક ક્ષેત્રોમાં મળીને નવી પરિયોજનાને આગળ લઈ જઈ રહ્યાં છીએ. ભારત અને જર્મની વચ્ચે ટેકનોલોજી સહયોગ પણ વધુ મજબુત બની રહ્યો છે. ભારત જર્મની સાથે પોતાની મિત્રતા કરવા માટે પ્રતિબદ્ધ છે. ચાન્સલર મર્જની યાત્રા ખાસ સમય પર થઈ રહી છે. ગત વર્ષે અમે પોતાની રણનીતિક ભાગીદારીના 25 વર્ષ પુરા કર્યાં છે અને આ વર્ષમાં અમે રાજકીય સંબંધોના 75 વર્ષ ઉજવી રહ્યાં છે. ભારત અને જર્મની દરેક ફિલ્ડમાં સાથે મળીને કામ કરી રહ્યાં છે. આજે થયેલા કરારથી સંબંધ વધારે મજબુત અને આગળ વધશે. રક્ષા અને સુરક્ષામાં વધતો સહયોગ અમારી વચ્ચે મજબુત ભરોસોના પ્રતિક છે. વધતો વેપાર અને રોકાણ સંબંધમાં અમારી સ્ટ્રેટજિક ભાગીદારીને નવી ઉર્જા આપી છે. ભારત તમામ સમસ્યાઓ અને વિવાદોને શાંતિપૂર્ણ રીતે નિવારણમાં માને છે.
પીએમ મોદીએ જણાવ્યું હતું કે, ભારત અને જર્મની વચ્ચે ટેકનોલોજીકલ સહયોગ દર વર્ષે મજબૂત બન્યો છે અને આજે તેની અસર જમીન પર સ્પષ્ટપણે દેખાય છે. ભારત અને જર્મની નવીનીકરણીય ઉર્જાના ક્ષેત્રમાં સમાન પ્રાથમિકતાઓ ધરાવે છે. આ ક્ષેત્રમાં સહયોગ વધારવા માટે અમે ભારત-જર્મની સેન્ટર ઓફ એક્સેલન્સ સ્થાપિત કરવાનું નક્કી કર્યું છે. આ જ્ઞાન, ટેકનોલોજી અને નવીનતા માટે એક સહિયારા પ્લેટફોર્મ તરીકે સેવા આપશે. અમે આબોહવા, ઉર્જા, શહેરી વિકાસ અને શહેરી ગતિશીલતા જેવા ક્ષેત્રોમાં સંયુક્ત રીતે નવા પ્રોજેક્ટ્સ આગળ ધપાવી રહ્યા છીએ. ગ્રીન હાઇડ્રોજનમાં બંને દેશોની કંપનીઓને સામેલ કરતો એક નવો મેગા પ્રોજેક્ટ ભવિષ્યની ઉર્જા માટે ગેમ-ચેન્જર સાબિત થશે. ભારત અને જર્મની સુરક્ષિત, વિશ્વસનીય અને સ્થિતિસ્થાપક સપ્લાય ચેઇન બનાવવા માટે સાથે મળીને કામ કરી રહ્યા છે. આ બધા વિષયો પર આજે હસ્તાક્ષર કરાયેલા એમઓયુ આપણા સહયોગને નવી ગતિ અને શક્તિ આપશે.
