ઈનોવેશન, ઈન્ડસ્ટ્રી ઈન્ટિગ્રેશન, અને ઈમર્સિવ શિક્ષણના પાયા પર સ્થાપિત ફ્યુચર-થિંકિંગ ઈન્સ્ટીટ્યૂટ ટ્રાન્સસ્ટેડિયા યુનિવર્સિટીએ આજે શિક્ષક દિવસની ઉજવણી કરતાં ફેકલ્ટી સભ્યોને સન્માનિત કર્યા હતા. જેમાં તેના ફેકલ્ટી સભ્યોના યોગદાનને સન્માનિત કરવા આકર્ષક પર્ફોર્મન્સ અને કૃતજ્ઞતાની અભિવ્યક્તિ વ્યક્ત કરવામાં આવી હતી.
કાર્યક્રમની શરૂઆતમાં દેશના પૂર્વ રાષ્ટ્રપતિ પ્રતિષ્ઠિત શિક્ષક, દાર્શનિક ડો. સર્વપલ્લી રાધાકૃષ્ણનની જન્મજંયતિ તરીકે આ દિવસના મહત્ત્વ પર ભાર મૂકતાં શિક્ષકોનું ઉષ્માભેર સ્વાગત કરવામાં આવ્યું હતું. બાદમાં વિદ્યાર્થીઓ દ્વારા તેમના શિક્ષકો-માર્ગદર્શકોને હૃદયપૂર્વક આભાર વ્યક્ત કરતાં ગીતનું ગાન કરવામાં આવ્યું હતું. જ્યારે પ્રથમ વર્ષના વિદ્યાર્થીઓએ નૃત્ય કરી ઉજવણીનો ઉત્સાહ વધાર્યો હતો.
કાર્યક્રમની ઉજવણીને વધુ યાગદાર બનાવતાં કેક કટ કરવામાં આવી હતી. ત્યારબાદ ફેકલ્ટી સભ્યો માટે ખાસ ટ્રેઝર હન્ટ ગેમનું આયોજન કરવામાં આવ્યું હતું. જેણે આનંદ-ઉત્સાહ, ટીમવર્ક અને જોડાણમાં વધારો કર્યો હતો. વિજેતાઓને ઈનામ આપવામાં આવ્યા હતા.
