જયપુર સેશન્સ કોર્ટને બોમ્બથી ઉડાવી દેવાની ધમકી મળતાં ખળભળાટ મચી ગયો છે. માહિતી મળતા જ પોલીસ, બોમ્બ ડિસ્પોઝલ સ્કવોડ અને અન્ય સુરક્ષા એજન્સીઓ ઘટનાસ્થળે પહોંચી ગઈ હતી. તકેદારીના પગલારૂપે કોર્ટ પરિસરને તાત્કાલિક ખાલી કરાવવામાં આવ્યું છે અને સઘન સર્ચ ઓપરેશન શરૂ કરવામાં આવ્યું છે.
સેશન્સ કોર્ટની ઇમારત સાત માળની છે, તેથી સમગ્ર પરિસર અને બિલ્ડિંગની તપાસ ચાલી રહી છે. જ્યાં સુધી સર્ચ ઓપરેશન પૂર્ણ ન થાય ત્યાં સુધી કોઈને અંદર જવા દેવામાં આવશે નહીં.
નોંધનીય છે કે આ પહેલા 15 ઓક્ટોબરના રોજ પણ જયપુર સેશન્સ કોર્ટમાં આવી જ બોમ્બની ધમકી મળી હતી. ત્યારબાદ પણ સર્ચ ઓપરેશન હાથ ધરવામાં આવ્યું હતું, પરંતુ કોઈ શંકાસ્પદ વસ્તુ મળી ન હતી.
