છત્તીસગઢ સમાચાર: છત્તીસગઢના દંતેવાડા-બીજાપુર બોર્ડર પરથી મોટા સમાચાર સામે આવી રહ્યા છે. જ્યાં જવાનોએ 12 નક્સલીઓને ઠાર કર્યા છે. તમામ મૃતદેહો મળી આવ્યા છે. આ એન્કાઉન્ટરમાં 3 DRG જવાનો શહીદ અને 2 ઘાયલ થયા હોવાની માહિતી છે.
બસ્તર રેન્જના આઈજી સુંદરરાજ પી.એ જણાવ્યું કે બીજાપુર ડીઆરજી જવાન હેડ કોન્સ્ટેબલ મોનુ વાદારી, રમેશ સોડી અને કોન્સ્ટેબલ દુકારુ ગોંડે એન્કાઉન્ટરમાં શહીદ થયા હતા. સૈનિકોની ટીમ ગંગાલુર પોલીસ સ્ટેશન વિસ્તારના જંગલોમાં સતત શોધખોળ કરી રહી છે.
એસપી જિતેન્દ્ર યાદવના જણાવ્યા અનુસાર, ડીઆરજી, એસટીએફ, કોબ્રા અને સીઆરપીએફની સંયુક્ત ટીમ બુધવારે સવારે 9 વાગ્યાથી બીજાપુર-દંતેવાડા સરહદના પશ્ચિમ બસ્તર ડિવિઝન વિસ્તારમાં સર્ચ ઓપરેશન પર હતી. જંગલમાં સર્ચ ઓપરેશન દરમિયાન નક્સલીઓએ અચાનક ફાયરિંગ શરૂ કરી દીધું હતું. જવાબી કાર્યવાહીમાં લગભગ 12 નક્સલવાદીઓ માર્યા ગયા છે.
