યુએસ ડિફેન્સ ડિપાર્ટમેન્ટ પેન્ટાગોનના તાજેતરના રિપોર્ટમાં તાઈવાનને લઈને ચીનના ખતરનાક ઈરાદાઓનું મૂલ્યાંકન કરવામાં આવ્યું છે. પેન્ટાગોનના રિપોર્ટ અનુસાર, ચીન પોતાની સેનાને એવી રીતે તૈયાર કરી રહ્યું છે કે તે 2027 સુધીમાં તાઈવાન પર સૈન્ય નિયંત્રણ મેળવવાનું લક્ષ્ય હાંસલ કરી શકે.
અમેરીકાને આપણો સૌથી મોટો દુશ્મન ગણીએ છીએ
અમેરિકી કોંગ્રેસને સુપરત કરાયેલા પેન્ટાગોનના રિપોર્ટમાં દાવો કરવામાં આવ્યો છે કે ચીન હવે માત્ર તાઈવાનની આઝાદીને રોકવા પુરતું સીમિત નથી રહ્યું, પરંતુ હવે અમેરિકાને પોતાનો સૌથી મોટો દુશ્મન માનીને તેને હરાવવાની તૈયારી કરીને વ્યૂહાત્મક અને નિર્ણાયક વિજય હાંસલ કરવા માટે પોતાની તમામ તાકાત લગાવી રહ્યું છે. ચીન હવે તાઈવાન પર સતત દબાણ લાવવાની રણનીતિ અપનાવી રહ્યું છે. આ માટે તે લશ્કરી ગતિવિધિઓ, કૂટનીતિ, આર્થિક પ્રતિબંધો અને માહિતી યુદ્ધ દ્વારા તાઈવાનને નબળું પાડવાનું કામ કરી રહ્યું છે.
તાઈવાનમાં હવાઈ ઘૂસણખોરી એક વર્ષમાં બમણી થઈ
રિપોર્ટમાં કહેવામાં આવ્યું છે કે 2024માં તાઈવાનના એરસ્પેસમાં ચીની ઘૂસણખોરી ગયા વર્ષ કરતાં લગભગ બમણી થઈ ગઈ છે. ચાઈનીઝ એરક્રાફ્ટે તાઈવાનના એર ડિફેન્સ આઈડેન્ટિફિકેશન ઝોનમાં 3,000 થી વધુ વખત ઘૂસણખોરી કરી છે, જ્યારે તેના નૌકાદળના જહાજો લગભગ દરરોજ ટાપુની આસપાસ ફરે છે.
ચીનના કોસ્ટ ગાર્ડ પણ સૈન્ય અભ્યાસમાં ભાગ લઈ રહ્યા છે
રિપોર્ટમાં ચીન દ્વારા કરવામાં આવતી મોટા પાયે સૈન્ય અભ્યાસ, ખાસ કરીને જોઈન્ટ સ્વોર્ડ-2024નો પણ ઉલ્લેખ કરવામાં આવ્યો છે. પ્રથમ વખત, ચીની કોસ્ટ ગાર્ડે સૈન્યની સાથે આ કવાયતમાં ભાગ લીધો હતો, જે તાઇવાનની સંભવિત નૌકાદળની નાકાબંધી માટેની તૈયારીનો સંકેત આપે છે. આ કવાયત દરમિયાન ચીને હવાઈ હુમલા, પ્રિસિઝન મિસાઈલ લોન્ચ અને સાયબર વોરફેરમાં તેની ક્ષમતાઓનું પરીક્ષણ કર્યું.
ચીની મિસાઇલોની શ્રેણીમાં યુએસ લશ્કરી થાણા
રિપોર્ટમાં કહેવામાં આવ્યું છે કે ચીનની મિસાઈલોની રેન્જ હવે 2,000 નોટિકલ માઈલ સુધી પહોંચી ગઈ છે, જે આ ક્ષેત્રમાં યુએસ સૈન્ય થાણાઓ માટે મોટો ખતરો છે. AI સિવાય ચીન હાઈપરસોનિક મિસાઈલ, સ્પેસ સિસ્ટમ અને સાયબર વોરફેરમાં પણ પોતાની ક્ષમતાઓ વધારી રહ્યું છે. રિપોર્ટમાં ચીનના વધતા પરમાણુ હથિયારોના ભંડાર અને સૈન્ય બજેટનો પણ ઉલ્લેખ કરવામાં આવ્યો છે. રિપોર્ટ અનુસાર, ચીન પાસે હાલમાં 600થી વધુ પરમાણુ હથિયારો છે અને 2030 સુધીમાં આ સંખ્યા 1,000થી વધુ થવાની આશા છે.
જો કે, પેન્ટાગોન એ પણ કહે છે કે ચીનના નેતાઓને હજુ પણ સંપૂર્ણ વિશ્વાસ નથી કે તેઓ સંભવિત યુએસ હસ્તક્ષેપ છતાં તાઇવાનને પકડી શકશે. આથી જ, ચીન સીધા યુદ્ધમાં સામેલ થવાને બદલે તાઈવાનને ઘેરી લેવાની અને તેની પોતાની શરતો પર એકીકરણ માટે દબાણ કરવાની વ્યૂહરચના અપનાવી રહ્યું છે.
