ગોવાના રોમિયો લેનમાં સ્થિત ‘બિર્ચ’ નાઈટ ક્લબના માલિકોમાંથી એક અજય ગુપ્તાનું પહેલું નિવેદન સામે આવ્યું છે. દિલ્હીના લાજપત નગર સ્થિત ઈન્સ્ટિટ્યૂટ ઓફ બ્રેઈન એન્ડ સ્પાઈનમાં દાખલ થયા બાદ મંગળવારે અજયની ધરપકડ કરવામાં આવી હતી. ધરપકડ દરમિયાન અજયે કહ્યું હતું કે, હું લુથરા પરિવાર સાથે માત્ર સ્લીપિંગ પાર્ટનર છું, બીજું કંઈ નથી.
પોલીસ અજયને પૂછપરછ માટે ગોવા લઈ જશે
દિલ્હી પોલીસ આજે અજયને સાકેત કોર્ટમાં રજૂ કરી શકે છે. ગોવા પોલીસ ગુપ્તાના ટ્રાન્ઝિટ રિમાન્ડની પણ માંગ કરી રહી છે. ક્લિયર થયા બાદ તેને વધુ પૂછપરછ માટે ગોવા લઈ જવામાં આવશે. પોલીસ કસ્ટડીમાં લેવાતી વખતે, અજય ગુપ્તાએ પોતાનો ચહેરો માસ્ક, કેપ અને હૂડ જેકેટથી ઢાંક્યો હતો.
અજય બર્ચ ક્લબનો મુખ્ય નાણાકીય ભાગીદાર છે
ગોવા પોલીસના જણાવ્યા અનુસાર, અજય ગુપ્તા દિલ્હીનો રહેવાસી છે અને બ્રીચ બાય નાઈટ ક્લબમાં મુખ્ય નાણાકીય ભાગીદાર છે. તપાસ દરમિયાન ગુપ્તા અને તેના ભાગીદાર સુરેન્દ્ર કુમાર ખોસલા વિરુદ્ધ લુક આઉટ સર્ક્યુલર (LOC) જારી કરવામાં આવ્યો હતો. પોલીસની ટીમ જ્યારે ગુપ્તાના દિલ્હીમાં ઘરે પહોંચી તો તે ત્યાં મળ્યો ન હતો. ત્યારબાદ તેની સામે બિનજામીનપાત્ર ધરપકડ વોરંટ જારી કરવામાં આવ્યું હતું. બાદમાં ગુપ્તાને શોધીને દિલ્હીમાં કસ્ટડીમાં લેવામાં આવ્યો હતો. પોલીસ સૂત્રોના જણાવ્યા અનુસાર તપાસમાં જાણવા મળ્યું છે કે અજય ગુપ્તા અને તેનો ભાઈ રાજેશ ગુપ્તા બંને સૌરભ લુથરાના બિઝનેસ પાર્ટનર છે. ગુપ્તા બંધુઓએ ક્લબમાં ઘણા પૈસા રોક્યા હતા. પોલીસ અજય ગુપ્તાની પૂછપરછ કરીને મુખ્ય આરોપી સુધી પહોંચવાનો પ્રયાસ કરશે.
6 દિવસમાં 6 લોકોની ધરપકડ
6 ડિસેમ્બરની રાત્રે, ગોવામાં બર્ચ બાય નાઇટક્લબમાં આગમાં 25 લોકોના મોત થયા હતા. આ કેસમાં અત્યાર સુધીમાં 6 લોકોની ધરપકડ કરવામાં આવી છે. ક્લબના માલિકો અને ભાઈઓ સૌરભ લુથરા અને ગૌરવ લુથરા હજુ પણ ફરાર છે. ઘટના બાદ બંને થાઈલેન્ડ ભાગી ગયા હતા. તેની સામે ઈન્ટરપોલ બ્લુ કોર્નર નોટિસ જારી કરવામાં આવી છે. ક્લબના ફરાર માલિકો સૌરભ અને ગૌરવ લુથરાએ દિલ્હીની કોર્ટમાં આગોતરા જામીન માટે અરજી કરી છે. આ બંને ભાઈઓ થાઈલેન્ડમાં છે, અને તેમને ભારત પરત લાવવાના પ્રયાસો થઈ રહ્યા છે.
