અમદાવાદઃ ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ (GSEB) દ્વારા શૈક્ષણિક વર્ષ 2025-26 માટેનું શૈક્ષણિક કેલેન્ડર જાહેર કર્યું છે. જે મુજબ પ્રથમ શૈક્ષણિક સત્ર 15 ઓક્ટોબર સુધી ચાલશે અને ત્યારબાદ 16 ઓક્ટોબરથી 5 નવેમ્બર સુધી 21 દિવસનું દિવાળી વેકેશન રહેશે.
ગુજરાત માધ્યમિક અને ઉચ્ચતર માધ્યમિક શિક્ષણ બોર્ડ (GSEB)એ શૈક્ષણિક વર્ષ 2025-26 માટેનું શૈક્ષણિક કેલેન્ડર જાહેર કર્યું છે. જેમાં પ્રથમ સત્ર 15 ઓક્ટોબરે પૂર્ણ થાય છે અને 16 ઓક્ટોબરથી શાળાઓમાં 21 દિવસનું દિવાળી વેકેશન પડી જશે. આ દિવાળી વેકેશન 05 નવેમ્બર સુધીનું રહેશે અને ત્યારબાદ 06 નવેમ્બરથી શાળાઓમાં ફરી બીજા સત્રનો પ્રારંભ થશે. દ્વિતીય સત્ર 06 નવેમ્બરથી 03 મે-2026 સુધીનું 144 દિવસનું રહેશે.
બોર્ડ દ્વારા જાહેર કરાયેલા શૈક્ષણિક કેલેન્ડર મુજબ શાળાઓમાં બંને સત્રના કુલ 249 દિવસનું શૈક્ષણિક કાર્ય રહેશે જેમાં 09 સ્થાનિક રજાને બાદ કરતા 240 દિવસ કાર્યના રહેશે. પ્રથમ સત્રનો પ્રારંભ 9 જૂન 2025થી થયો હતો જે 15 ઓક્ટોબર સુધી ચાલશે.આ સત્રમાં કુલ 105 દિવસનું શૈક્ષણિક કાર્ય થશે. દ્વિતીય સત્ર દિવાળી વેકેશન બાદ 6 નવેમ્બર-2025થી શરૂ થશે અને 3 મે-2026ના રોજ પૂર્ણ થશે. આ સત્રમાં કુલ 144 દિવસનું શૈક્ષણિક કાર્ય રહેશે. આ વર્ષે કુલ 80 દિવસની રજાઓ રહેશે, જેમાં મુખ્યત્વે ઉનાળુ અને દિવાળીના બે મોટા વેકેશનનો સમાવેશ થાય છે. શૈક્ષણિક વર્ષ 2025-26 માટે કુલ 240 દિવસનું શિક્ષણકાર્ય નક્કી કરવામાં આવ્યું છે. જ્યારે શૈક્ષણિક વર્ષ દરમિયાન કુલ 80 દિવસની રજાઓ રહેશે.
