અમદાવાદઃ કેન્દ્રીય યુવા બાબતો અને રમતગમત રાજ્યમંત્રી રક્ષા ખડસેએ બુધવારે ગુજરાતના ગાંધીનગર સ્થિત ગિફ્ટ સિટી ખાતે ઓસ્ટ્રેલિયા-ઇન્ડિયા સ્પોર્ટ્સ એક્સેલન્સ ફોરમનું ઉદ્ઘાટન કર્યું હતું. આ બે દિવસનું ફોરમ આ પ્રકારની સૌપ્રથમ પહેલ છે, જેનો ઉદ્દેશ બંને દેશો વચ્ચે રમતગમતમાં સહકારને મજબૂત કરવાનો છે.
આ ઉપરાંત ભારતમાં ઓસ્ટ્રેલિયાના હાઈ કમિશનર એચઈ ફિલિપ ગ્રીન ઓએએમ, ગુજરાતના રમતગમત, યુવા સેવા અને સાંસ્કૃતિક પ્રવૃત્તિઓ મંત્રી શ્રી હર્ષ સંઘવી અને અન્ય મહાનુભાવો ઉપસ્થિત રહ્યા હતા. સવારના સેશનમાં ઓસ્ટ્રેલિયાના ચુનંદા રમત-ગમતના નિર્ણયો, ભારતીય અને ઓસ્ટ્રેલિયન રમતગમત સંસ્થાઓ, ઉચ્ચ શિક્ષણ પ્રદાતાઓ અને ઉદ્યોગના હિતધારકો ઉપસ્થિત રહ્યા હતા. આ ફોરમનો મુખ્ય ઉદ્દેશ ઓલિમ્પિક અને પેરાલિમ્પિક બિડ્સ, ટેલેન્ટ ડેવલપમેન્ટ, સ્પોર્ટ્સ સાયન્સ અને ઇવેન્ટ મેનેજમેન્ટમાં સહયોગ માટેની તકો શોધવાનો છે.
રાજ્યમંત્રી રક્ષા ખડસેએ ભારત અને ઓસ્ટ્રેલિયા વચ્ચે ક્રિકેટ અને હોકી ઉપરાંતની રમતોમાં વધતી ભાગીદારી પર ભાર મૂક્યો હતો, જેમાં પ્રતિભા વિકાસ, ખાનગી ક્ષેત્રનું જોડાણ, રમતગમત વિજ્ઞાન અને રમતગમત ઉદ્યોગોમાં વેપારને સહકારના મુખ્ય ક્ષેત્રો તરીકે દર્શાવવામાં આવ્યા હતા. પ્રધાનમંત્રીએ કહ્યું હતું કે, “રમતગમત પ્રત્યેનો જુસ્સો એક સામાન્ય તંતુ છે, જે ભારત અને ઓસ્ટ્રેલિયાને જોડે છે. આ ઐતિહાસિક મંચ મારફતે અમે ક્રિકેટ અને હોકીથી આગળ વધીને એલિટ એથ્લીટ ડેવલપમેન્ટ, સ્પોર્ટ્સ ઇન્ફ્રાસ્ટ્રક્ચર અને રમતગમતના ઉદ્યોગોમાં રોકાણમાં આ ભાગીદારીને વિસ્તૃત કરી રહ્યા છીએ. 2036ના ઓલિમ્પિકની યજમાની કરવાની ભારતની મહત્વાકાંક્ષા આપણા દેશની વધતી જતી શક્તિ અને રમતગમત પ્રત્યેની પ્રતિબદ્ધતાને પ્રતિબિંબિત કરે છે, ” તેમ તેમણે જણાવ્યું હતું.
મંત્રીએ ઉમેર્યું હતું કે, “ખેલો ઇન્ડિયા, ટોપ્સ, ફિટ ઇન્ડિયા અને એએસએમઆઇટીએ જેવી પહેલો સાથે અમે માનનીય પ્રધાનમંત્રી નરેન્દ્ર મોદીજીનાં વિઝનરી નેતૃત્વ હેઠળ મજબૂત સ્પોર્ટિંગ ઇકોસિસ્ટમ ઊભી કરવા કામ કરી રહ્યાં છીએ.”
