પાંચમી ખેલો ઈન્ડિયા યુનિવર્સિટી ગેમ્સ 2025નું આયોજન આ વખતે રાજસ્થાનમાં કરવામાં આવશે. આ સ્પર્ધાઓ રાજ્યના સાત શહેરો જયપુર, અજમેર, ઉદયપુર, જોધપુર, બિકાનેર, કોટા અને ભરતપુરમાં 24મી નવેમ્બરથી 5મી ડિસેમ્બર દરમિયાન યોજાશે.
12 દિવસ ચાલનારી આ રમતોમાં દેશભરમાંથી 5000 થી વધુ એથ્લેટ ભાગ લેશે. 23 મેડલ સ્પોર્ટ્સ ઉપરાંત, સ્પર્ધામાં ડેમોસ્ટ્રેશન ગેમ ખો-ખો પણ સામેલ હશે. અગાઉ આયોજિત નોર્થ-ઈસ્ટ એડિશનમાં ચંદીગઢ યુનિવર્સિટી વિજેતા રહી હતી, જ્યારે લવલી પ્રોફેશનલ યુનિવર્સિટી બીજા ક્રમે અને ગુરુ નાનક દેવ યુનિવર્સિટી, અમૃતસર ત્રીજા ક્રમે રહી હતી.
કેન્દ્રીય યુવા બાબતો અને રમતગમત મંત્રી ડો.મનસુખ માંડવિયાએ જણાવ્યું હતું કે, ખેલો ઈન્ડિયા યુનિવર્સિટી ગેમ્સ એ દેશના રમતગમતના વિકાસમાં મહત્વની કડી છે. તેમણે કહ્યું કે વિશ્વભરની યુનિવર્સિટીઓ રમતની પ્રતિભાઓને નિખારવા માટેનું સૌથી મોટું પ્લેટફોર્મ છે.
માંડવિયાએ જણાવ્યું હતું કે, રાજસ્થાનમાં યોજાનારી આ આવૃત્તિ ભારતના રમતગમતના વધતા વાતાવરણને પ્રતિબિંબિત કરશે અને આંતરરાષ્ટ્રીય સ્તરે દેશનું પ્રતિનિધિત્વ કરવા માંગતા યુવાનો માટે પ્રેરણારૂપ બનશે. શિક્ષણની સાથે સાથે આ રમતો ખેલદિલી, સ્પર્ધાની ભાવના અને ‘એક ભારત શ્રેષ્ઠ ભારત’ની ભાવનાને પણ મજબૂત કરશે.
