7 માર્ચ શનિવારથી ઘરેલુ એલપીજી સિલિન્ડરના ભાવમાં વધારો કરવામાં આવ્યો છે. દેશભરમાં 14.2 કિલોના ઘરેલુ એલપીજી સિલિન્ડરની કિંમતમાં ₹60નો વધારો થયો છે. એ જ રીતે, 19 કિલોના કોમર્શિયલ એલપીજી સિલિન્ડરની કિંમતમાં પણ તે જ તારીખથી 115 રૂપિયાનો વધારો કરવામાં આવ્યો છે. જેની સીધી અસર હોટલ, રેસ્ટોરન્ટ અને નાની દુકાનો પર પડશે.
સૂત્રોના જણાવ્યા અનુસાર, દિલ્હીમાં 14.2 કિલોના ઘરેલુ એલપીજી સિલિન્ડરની કિંમત 853 રૂપિયાથી વધીને 913 રૂપિયા થઈ ગઈ છે. મુંબઈમાં, ઘરેલુ સિલિન્ડરનો નવો દર હવે ₹912.50 છે, જે પહેલા ₹852.50 હતો. ચેન્નાઈમાં, રેટ ₹868.50 થી વધીને ₹928.50 થયો છે. આ બદલાયેલા દરો આજથી લાગુ થશે.
કોમર્શિયલ સિલિન્ડરના ભાવ
વ્યવસાયમાં વપરાતા કોમર્શિયલ સિલિન્ડરની કિંમતમાં પણ નોંધપાત્ર વધારો થયો છે. દિલ્હીમાં 19 કિલોના કોમર્શિયલ સિલિન્ડરની કિંમત ₹1768.50 થી વધીને ₹1883 થઈ ગઈ છે. મુંબઈમાં તે ₹1720.50 થી વધીને ₹1835 થઈ ગઈ છે. કોલકાતામાં કિંમત ₹1875.50 થી વધીને ₹1990 થઈ ગઈ છે અને ચેન્નાઈમાં તે ₹1929 થી વધીને ₹2043.50 થઈ ગઈ છે.
અગાઉ, એપ્રિલ 2025 થી ઘરેલુ એલપીજી સિલિન્ડરની કિંમતમાં કોઈ ફેરફાર થયો ન હતો. આ નવો ફેરફાર ઘરના ગ્રાહકો અને વાણિજ્યિક વપરાશકર્તાઓ બંને માટે એક મોટો વધારો છે.
