કેટલીકવાર સુરક્ષાનો હવાલો સંભાળતા સુરક્ષા કર્મચારીઓ અસુરક્ષાનું કારણ બની જાય છે અને આવા જ એક કિસ્સામાં રાજસ્થાનમાંથી એક ચોંકાવનારી ઘટના સામે આવી છે.
સવાઈ માધોપુર આરપીએફ પોલીસ સ્ટેશનમાં પોસ્ટ કરાયેલ હેડ કોન્સ્ટેબલ ઓમ પ્રકાશનો એક વીડિયો સોશિયલ મીડિયા પર વાયરલ થયો હતો, જેમાં તે એક મહિલા પેસેન્જર સાથે ગેરવર્તન કરતો જોવા મળે છે. વીડિયોમાં હેડ કોન્સ્ટેબલ ટ્રેનના જનરલ કોચમાં મહિલા મુસાફરને થપ્પડ મારતો અને દુર્વ્યવહાર કરતો જોવા મળ્યો હતો.
આ ઘટના 14 જાન્યુઆરીએ બની હતી, જ્યારે રણથંભોર એક્સપ્રેસ ઇન્ટરસિટી ટ્રેનના જનરલ કોચમાં ચેઇન પુલિંગ કરવામાં આવ્યું હતું. ઘટનાની માહિતી મેળવવા હેડ કોન્સ્ટેબલ ઓમ પ્રકાશ જનરલ કોચ પર પહોંચ્યા, જ્યાં મહિલા, પુરુષ અને તેમની પુત્રીને ટિકિટ અને ચેઈન ખેંચવાનું કારણ પૂછવામાં આવ્યું. આ દરમિયાન ઝઘડો થયો અને જેવી ટ્રેન ચાલવા લાગી, મહિલા મુસાફરે કાર્યવાહીથી બચવા હેડ કોન્સ્ટેબલના પગ પકડી લીધા. ગુસ્સામાં હેડ કોન્સ્ટેબલે મહિલાને થપ્પડ મારી અને ટ્રેનમાંથી ઉતરી ગયો.
