દુબઈ, 21 નવેમ્બર, 2025ઃ Breaking News Indian fighter jet Tejas crashes during Dubai Air Show દુબઈમાં યોજાઈ રહેલા એર શો દરમિયાન આજે શુક્રવારે ભારતીય યુદ્ધ વિમાન તેજસ તૂટી પડ્યું હોવાના સમાચાર મળી રહ્યા છે.
ભારતીય હવાઈદળ IAF દ્વારા આ ઘટના બની હોવાની વાતને સમર્થન આપવામાં આવ્યું હતું. એરફોર્સના પ્રવક્તાએ જણાવ્યું કે, આઈએએફનું તેજસ દુબઈ એર શો-25 દરમિયાન તૂટી પડ્યું છે. વધુ વિગતો મેળવવામાં આવી રહી છે.
એરપોર્ટ નજીક વિમાન તૂટી પડ્યા બાદ મોટી આગ અને ધૂમાડો જોવા મળ્યો હતો. આ ઘટનાને પગલે એર શો જોવા આવેલા મહિલાઓ અને બાળકો સહિત દર્શકોમાં ભય ફેલાઈ ગયો હતો.
આ દુર્ઘટનામાં તેજસના પાયલટે જીવ ગુમાવ્યો હોવાના સમાચાર મળી રહ્યા છે. ભારતીય હવાઈદળના એક નિવેદન અનુસાર આ ઘટનાની તપાસનો આદેશ આપી દેવામાં આવ્યો છે.
