બેંગલુરુ: બેંગલુરુના નેલમંગલામાં નેશનલ હાઈવે-48 પર એક ભયાનક અકસ્માતે સૌને ચોંકાવી દીધા છે. આ અકસ્માતમાં આઈટી કંપનીના સીઈઓના પરિવારના છ સભ્યોએ જીવ ગુમાવ્યો હતો. એક ભારે કન્ટેનર ટ્રકે અચાનક કાબુ ગુમાવી દીધો અને વોલ્વો કાર પર પલટી મારતા સમગ્ર પરિવારનું મોત થયું. આ ઘટનાનો એક વિડિયો પણ સામે આવ્યો છે, જેમાં કારની હાલત જોઈને દરેકના હૈયાફાટ થઈ જાય છે.
બીજી કાર – ટ્રક ચાલકને બચાવવાના પ્રયાસમાં કન્ટેનર પલટી ગયું
અકસ્માત બાદ પોલીસે ટ્રક ચાલકની ધરપકડ કરી છે. ડ્રાઈવરનું કહેવું છે કે તેની સામે બીજી કાર આવી હતી, તેને બચાવવાના પ્રયાસમાં તેણે કન્ટેનરનું સ્ટિયરિંગ રોડ ડિવાઈડર તરફ ફેરવ્યું, જેના કારણે ટ્રક પલટી ગઈ. દરમિયાન સીઈઓની લક્ઝરી વોલ્વો કાર પણ આ અકસ્માતમાં ફસાઈ ગઈ હતી. કન્ટેનરનું વજન એટલું હતું કે વોલ્વો કાર સંપૂર્ણ ક્ષતિગ્રસ્ત થઈ ગઈ હતી. જો કે, પોલીસે તપાસ સાથે સંબંધિત માહિતી શેર કરવાનો ઇનકાર કર્યો છે, કારણ કે તે તેમની તપાસને અસર કરી શકે છે.
પોલીસ સીસીટીવી ફૂટેજ તપાસી રહી છે
એક અધિકારીએ કહ્યું કે અમે રોડ સેફ્ટીના પાસાઓને ધ્યાનમાં રાખીને ‘કેસ સ્ટડી’ પણ કરી રહ્યા છીએ. આ સમયે અમે કોઈપણ માહિતી શેર કરવા માંગતા નથી કારણ કે તે તપાસમાં અવરોધ લાવી શકે છે. ટ્રક ડ્રાઈવર ઝારખંડનો રહેવાસી છે, જેણે કહ્યું, ‘મારી ટ્રકની આગળ એક કાર હતી, અને અચાનક કાર ચાલકે બ્રેક લગાવી, જેના કારણે મેં મારા વાહન પરનો કાબૂ ગુમાવ્યો. તે સમયે મારી સ્પીડ 40 કિલોમીટર પ્રતિ કલાક હતી. કારને બચાવવા મેં સ્ટિયરિંગને ડિવાઈડર તરફ જમણી તરફ ફેરવ્યું, પણ પછી મને બીજી કાર દેખાઈ અને મેં ટ્રકને ડાબી તરફ ફેરવ્યો. જેના કારણે સ્ટીલનો માલ ભરેલી ટ્રક પલટી ખાઈ ગઈ હતી.
અમને અનુસરો
