18થી 26 નવેમ્બર સુધી અસ્થાયી ધોરણે ઉપલબ્ધ રહેશે વધારાના કોચની સુવિધા પશ્ચિમ રેલવે દ્વારા જૂનાગઢમાં આયોજિત થનારા પ્રસિદ્ધ ‘ગિરનાર પરિક્રમા મેળા’ (20થી 24 નવેમ્બર, 2026) દરમિયાન મુસાફરોની વધારાની ભીડને ધ્યાનમાં રાખીને તેમની સુવિધા માટે 8 જોડી ટ્રેનોમાં અસ્થાયી ધોરણે વધારાના જનરલ સેકન્ડ ક્લાસ (GS) કોચ જોડવાનો નિર્ણય લેવામાં આવ્યો છે.

આ સુવિધા 18 નવેમ્બરથી 26 નવેમ્બર, 2026 સુધી ઉપલબ્ધ રહેશે. મંડળ રેલ પ્રબંધક, ભાવનગર, શ્રી દિનેશ વર્માના માર્ગદર્શન હેઠળ મુસાફરોને વધુ સારી અને સુવિધાજનક રેલ મુસાફરી ઉપલબ્ધ કરાવવાના પ્રયાસોના ભાગરૂપે આ વ્યવસ્થા કરવામાં આવી છે.

ભાવનગર મંડળના વરિષ્ઠ મંડળ વાણિજ્ય પ્રબંધક શ્રી અતુલ કુમાર ત્રિપાઠીના જણાવ્યા અનુસાર, આ ટ્રેનોની વિગતો નીચે મુજબ છે:

  1. વધારાના 02 જનરલ સેકન્ડ ક્લાસ (GS) કોચ ધરાવતી ટ્રેનો:
    • ટ્રેન નંબર 59558/59559: ભાવનગર ટર્મિનસ–વેરાવળ–ભાવનગર ટર્મિનસ
    • ટ્રેન નંબર 19120/19119: વેરાવળ–ગાંધીનગર કેપિટલ–વેરાવળ
    • ટ્રેન નંબર 59424/59423: વેરાવળ–રાજકોટ–વેરાવળ
    • ટ્રેન નંબર 59422/59421: વેરાવળ–રાજકોટ–વેરાવળ
    • ટ્રેન નંબર 59557/59560: ભાવનગર ટર્મિનસ–પોરબંદર–ભાવનગર ટર્મિનસ
  2. વધારાના 03 મીટર ગેજ (MG) જનરલ સેકન્ડ ક્લાસ (GS) કોચ ધરાવતી ટ્રેનો:
    • ટ્રેન નંબર 09595/09596: જૂનાગઢ–ચલાળા–જૂનાગઢ (MG ટ્રેન)
    • ટ્રેન નંબર 52946/52933: જૂનાગઢ–વેરાવળ–જૂનાગઢ (MG ટ્રેન)
    • ટ્રેન નંબર 52952/52951: જૂનાગઢ–દેલવાડા–જૂનાગઢ (MG ટ્રેન)

પશ્ચિમ રેલવે મુસાફરોને આ વધારાની સુવિધાનો લાભ લેવા અપીલ કરે છે. ટ્રેનોના સ્ટોપેજ, કોચની રચના તથા સમયપત્રક સંબંધિત વિગતવાર માહિતી માટે મુસાફરો ભારતીય રેલવેની સત્તાવાર વેબસાઇટ www.enquiry.indianrail.gov.in પર મુલાકાત લઈ શકે છે.

LEAVE A REPLY

Please enter your comment!
Please enter your name here