ગાયક શાન બિલ્ડિંગમાં આગ મુંબઈના બાંદ્રા વિસ્તારમાં સિંગર શાન જ્યાં રહે છે તે બિલ્ડિંગમાં ભીષણ આગ લાગી હતી. સોમવારે મોડી રાત્રે આ બિલ્ડિંગમાં આગ લાગી હતી. મીડિયા રિપોર્ટ્સ અનુસાર આગના કારણે બિલ્ડિંગમાં અરાજકતા ફેલાઈ ગઈ હતી. જે બાદ ફાયર બ્રિગેડની ગાડીઓ આગ બુઝાવવા માટે ઘટના સ્થળે પહોંચી હતી. હજુ સુધી આ ઘટનામાં કોઈને ઈજા થવાના સમાચાર નથી.
શાનની બિલ્ડીંગમાં આગ લાગી હતી
સમાચાર એજન્સીએ શાન બિલ્ડીંગમાં આગની જાણકારી સોશિયલ મીડિયા પર આપી હતી. તેણે એક વીડિયો પણ પોસ્ટ કર્યો છે, જેમાં એક એપાર્ટમેન્ટની બારીમાંથી ધુમાડો નીકળતો જોવા મળી રહ્યો છે. ફાયર એન્જિન પણ સ્થળ પર હાજર જોવા મળે છે. ઘટના સમયે શાન અને તેનો પરિવાર ઘરમાં હાજર હતો, પરંતુ તેઓ સંપૂર્ણપણે સુરક્ષિત છે. ચાહકોએ ગભરાવાની જરૂર નથી. આ અંગે હજુ વધુ માહિતી સામે આવી નથી. તેમજ સિંગર શાને હજુ સુધી આ અંગે કોઈ ટિપ્પણી કરી નથી.
મુંબઈ પોલીસે શું કહ્યું?
મુંબઈ પોલીસના જણાવ્યા અનુસાર, બિલ્ડિંગમાં આગ કેવી રીતે લાગી તેની પાછળનું ચોક્કસ કારણ જાણી શકાયું નથી. પોલીસ આગનું ચોક્કસ કારણ શોધી રહી છે. પોલીસ ઘટનાની તપાસમાં લાગી છે. એવું કહેવામાં આવી રહ્યું છે કે આગ ઇલેક્ટ્રિકલ શોર્ટ સર્કિટના કારણે લાગી હોઈ શકે છે. આગની ઘટના અંગે વધુ વિગતોની રાહ જોવાઈ રહી છે.
