એપસ્ટેઈનની ફાઈલોમાં પોતાનું નામ આવ્યા બાદ બિલ ગેટ્સ હવે માફી માંગી રહ્યા છે. તેણે બધાની સામે ગેટ્સ ફાઉન્ડેશનના કર્મચારીઓની માફી માંગી છે. એપસ્ટેઇન સાથે સંબંધિત નવા દસ્તાવેજો જાહેર થયા બાદ તેણે આ માફી જારી કરી હતી. ફાઉન્ડેશનના પ્રવક્તા દ્વારા રોઇટર્સ સાથે શેર કરાયેલા નિવેદન અનુસાર ગેટ્સે તાજેતરની ટાઉન હોલ મીટિંગ દરમિયાન એપસ્ટેઇન સાથેના તેમના સંબંધો વિશેના પ્રશ્નોના જવાબો આપ્યા હતા.
ટાઉન હોલમાં, ગેટ્સે એપ્સટેઈન ફાઈલોમાં દર્શાવેલ બે રશિયન મહિલાઓ સાથે અફેર હોવાનું સ્વીકાર્યું. તેણે એ પણ સ્પષ્ટ કર્યું કે આ બાબતો એપ્સટાઈનના પીડિતો સાથે સંબંધિત નથી.
યુએસ જસ્ટિસ ડિપાર્ટમેન્ટે ગેટ્સ અને એપસ્ટેઇન વચ્ચેની અનેક મીટિંગના ફોટોગ્રાફ્સ જાહેર કર્યા પછી ગેટ્સની ટીકા થઈ રહી છે. દસ્તાવેજોમાં માઈક્રોસોફ્ટના સહ-સ્થાપક મહિલાઓ સાથે પોઝ આપતા ફોટા હતા, જેમના ચહેરા ઝાંખા હતા.
આંતરિક મીટિંગ દરમિયાન ગેટ્સે કર્મચારીઓને કહ્યું કે એપસ્ટેઇન સાથે સમય વિતાવવો અને તેની સાથેની મીટિંગમાં ફાઉન્ડેશનના વરિષ્ઠ અધિકારીઓનો સમાવેશ કરવો એ “મોટી ભૂલ” હતી. તેણે ઉમેર્યું, “મારી ભૂલને કારણે આમાં ખેંચાઈ ગયેલા અન્ય લોકોની હું માફી માંગુ છું.” ગેટ્સે સ્ટાફને એમ પણ કહ્યું, “મેં કંઈપણ ગેરકાયદેસર કર્યું નથી. મેં કંઈપણ ગેરકાયદેસર જોયું નથી. મેં ક્યારેય એપ્સટાઈનની પીડિતો અથવા તેની આસપાસની મહિલાઓ સાથે સમય વિતાવ્યો નથી.”
