ભીવાડી
જણાવવામાં આવી રહ્યું છે કે ખુશખેડા ઔદ્યોગિક વિસ્તારમાં આવેલા પ્લોટ નંબર જી-1/118-બીમાં ચાલતી ગેરકાયદેસર ફટાકડાની ફેક્ટરીમાં આ અકસ્માત થયો હતો. ઘટના સમયે ફેક્ટરીમાં કુલ 11 કામદારો ફટાકડા બનાવવાનું કામ કરી રહ્યા હતા. દરમિયાન અગમ્ય કારણોસર અચાનક આગ ભભૂકી ઉઠી હતી, જે ગનપાઉડર અને કેમિકલ હોવાના કારણે થોડીવારમાં જ વિકરાળ સ્વરૂપ ધારણ કરી લીધું હતું.
આગ લાગતાની સાથે જ ફેક્ટરીની અંદર જોરદાર વિસ્ફોટ થયા હતા, જેના કારણે કામદારોને બહાર આવવાનો મોકો મળ્યો નહોતો. અકસ્માતના સીસીટીવી ફૂટેજ પણ સામે આવ્યા છે, જેમાં વિસ્ફોટ બાદ ફેક્ટરીમાંથી ધુમાડાના ગોટેગોટા નીકળતા સ્પષ્ટ દેખાઈ રહ્યા છે. પ્રત્યક્ષદર્શીઓના જણાવ્યા અનુસાર, વિસ્ફોટોનો અવાજ લગભગ પાંચ કિલોમીટર દૂર સુધી સંભળાયો હતો, જેના કારણે સમગ્ર વિસ્તારમાં અરાજકતા ફેલાઈ ગઈ હતી.
