જયપુરની હવામહલ વિધાનસભા બેઠકના ભાજપના ધારાસભ્ય બાલમુકુંદાચાર્યએ SIR પ્રક્રિયાને લઈને કોંગ્રેસના આરોપોનો જોરદાર જવાબ આપ્યો છે. તેમણે કહ્યું કે બાંગ્લાદેશી ઘૂસણખોરીના મુદ્દે કોંગ્રેસ પોતાની જવાબદારીથી છટકી શકે નહીં. ધારાસભ્યએ સ્પષ્ટતા કરી હતી કે ચૂંટણી પંચ એક સ્વતંત્ર સંસ્થા છે અને તે નિયમો પ્રમાણે કામ કરે છે. તેમણે ભાજપ પર લગાવવામાં આવેલા આરોપોને પાયાવિહોણા ગણાવ્યા.
બાલમુકુંદાચાર્યએ જણાવ્યું હતું કે રાજ્યમાં છેલ્લા બે વર્ષમાં વિકાસ કાર્યો થયા છે અને વડાપ્રધાન નરેન્દ્ર મોદીના નેતૃત્વમાં ડબલ એન્જિનની સરકાર કામ કરી રહી છે. તેમના મતે માફિયા શાસન પર અંકુશ આવ્યો છે અને કાયદો અને વ્યવસ્થા સુધરી છે.
ધારાસભ્યએ કહ્યું કે સરકારનો ઉદ્દેશ્ય કેન્દ્ર અને રાજ્યની યોજનાઓનો લાભ દરેક ઘર અને દરેક વ્યક્તિ સુધી પહોંચાડવાનો છે. તેમણે દાવો કર્યો હતો કે ભાજપ સરકાર કોઈપણ જાતના ભેદભાવ વગર કામ કરે છે. સાથે કહ્યું કે કોંગ્રેસ પાસે કોઈ પુરાવા હોય તો બતાવો.
