ભારતીય શેરબજારે સપ્તાહના ચોથા ટ્રેડિંગ સેશનની શરૂઆત ગુરુવાર, 8 જાન્યુઆરીએ ઘટાડા સાથે કરી હતી. મુખ્ય બેન્ચમાર્ક સૂચકાંકો, BSE સેન્સેક્સ અને NSE નિફ્ટી 50, લાલ નિશાનમાં ખુલ્યા હતા. 30 શેરો ધરાવતો BSE સેન્સેક્સ ઈન્ડેક્સ 183.12 પોઈન્ટ અથવા 0.22 ટકા ઘટીને 84,778.02 પર ખુલ્યો હતો, જ્યારે NSE નિફ્ટી 50 34.25 પોઈન્ટ અથવા 0.13 ટકા ઘટીને 26,106.50 પર ખુલ્યો હતો. સવારે 9:28 વાગ્યા સુધીમાં સેન્સેક્સ 199 પોઈન્ટ ઘટીને 84,761 પર ટ્રેડ કરી રહ્યો હતો, જ્યારે નિફ્ટી 50 43 પોઈન્ટ ઘટીને 26,135 પર ટ્રેડ થઈ રહ્યો હતો.
BSE ટોપ ગેઇનર્સ:
અદાણી પોર્ટ્સ, બજાજ ફાઇનાન્સ, ટાઇટન અને ICICI બેંક
BSE ટોપ લુઝર્સ:
TCS, એશિયન પેઇન્ટ્સ, મારુતિ અને રિલાયન્સ
બુધવારે બજારનું પ્રદર્શન કેવું રહ્યું?
ભારતીય શેરબજારમાં બુધવાર, 7 જાન્યુઆરીએ ઘટાડો જોવા મળ્યો હતો, જેમાં બંને મુખ્ય બેન્ચમાર્ક સૂચકાંકો લાલ નિશાનમાં બંધ થયા હતા. સેન્સેક્સ 102.20 પોઈન્ટ્સ અથવા 0.12 ટકા ઘટીને 84,961.14 પર જ્યારે NSE નિફ્ટી 50 37.95 પોઈન્ટ્સ અથવા 0.14 ટકા ઘટીને 26,140.75 પર પહોંચ્યો હતો.
BSE બાસ્કેટમાંથી ટાઇટન, HCL ટેક, ટેક મહિન્દ્રા, સન ફાર્મા અને ICICI બેન્ક ટોચના ગેનર હતા. પાવર ગ્રીડ, મારુતિ, એચડીએફસી બેંક, ટાટા સ્ટીલ અને એશિયન પેઈન્ટ્સનો સમાવેશ થાય છે. નિફ્ટી 100, નિફ્ટી બેન્ક, નિફ્ટી ઓટો અને નિફ્ટી એફએમસીજી શેરોમાં ઘટાડો થયો હતો, જ્યારે નિફ્ટી આઈટી, નિફ્ટી મિડકેપ 100 અને નિફ્ટી સ્મોલકેપ 100 વધ્યા હતા. બુધવારના ટ્રેડિંગ દિવસે, BSE બાસ્કેટના 12 શેર લીલા નિશાનમાં બંધ થયા હતા, જ્યારે 18 શેરમાં ઘટાડો થયો હતો.
