અમેરિકાના સૌથી ખતરનાક ફાઇટર જેટમાંથી એક F-16 કેલિફોર્નિયાના રણમાં ક્રેશ થયું છે. જોકે, ફાઈટર જેટ ક્રેશ થાય તે પહેલા એરફોર્સનો પાઈલટ સુરક્ષિત રીતે બચી ગયો હતો. સૈન્ય અધિકારીઓનું કહેવું છે કે કેલિફોર્નિયાના રણમાં એફ-16 થંડરબર્ડ ફાઇટર જેટ ક્રેશ થયું હતું. દુર્ઘટનાનો વીડિયો સામે આવ્યો છે, જેમાં F-16 ઝડપથી નીચે ઉતરે છે અને પછી ક્રેશ થતાની સાથે જ તેમાં આગ લાગી ગઈ છે. જોકે, પાયલોટે પેરાશૂટ વડે કૂદીને પોતાનો જીવ બચાવવામાં સફળ રહ્યો હતો.
બ્રેકિંગ: કેલિફોર્નિયાના ટ્રોના એરપોર્ટ નજીક આજે F-16 નીચે પડી ગયું હતું. આ વર્ષ એરક્રાફ્ટ માટે કપરું રહ્યું છે, જેમાં પહેલાથી જ અનેક અકસ્માતો નોંધાયા છે. મે 2025માં ટૂંકા ભારત-પાકિસ્તાન સંઘર્ષ દરમિયાન, લડાઇમાં બહુવિધ F-16 હારી ગયા હતા. પેટર્ન તેના વિશે પ્રશ્નો ઉભા કરી રહી છે… pic.twitter.com/pDj2CRxbmp
— વહિદા 🇦🇫 (@RealWahidaAFG) 4 ડિસેમ્બર, 2025
દક્ષિણ કેલિફોર્નિયામાં થંડરબર્ડ્સ ફાઇટર જેટ ક્રેશ થયું. જોકે, પાયલોટે સમયસર પ્લેન છોડી દીધું હતું અને પેરાશૂટ દ્વારા સુરક્ષિત રીતે નીચે ઉતરી ગયો હતો. પાયલોટ હોસ્પિટલમાં સારવાર હેઠળ છે અને તેને ઈજાઓ થઈ છે જે જીવને જોખમી નથી. યુએસ એરફોર્સે એક નિવેદનમાં જણાવ્યું કે, F-16C ફાઈટીંગ ફાલ્કન સવારે 10:45 કલાકે ટ્રેનિંગ મિશન દરમિયાન ક્રેશ થયું. ફાયર વિભાગે જણાવ્યું હતું કે ટ્રોના વિસ્તારમાં એરક્રાફ્ટ ઈમરજન્સી એલર્ટ મળ્યો હતો. તે લોસ એન્જલસથી 180 માઈલ દૂર મોજાવે રણમાં ક્રેશ થયું હતું. 2022 માં, નેવી F/A-18E સુપર હોર્નેટ એ જ વિસ્તારમાં ક્રેશ થયું, જેમાં પાઇલટનું મૃત્યુ થયું. વાયુસેનાએ કહ્યું છે કે દુર્ઘટનાના કારણની તપાસ કરવામાં આવી રહી છે.
છેલ્લા દસ વર્ષમાં યુએસ એરફોર્સના એક ડઝનથી વધુ ફાઇટર જેટ, બ્લુ એન્જલ્સ અને થંડરબર્ડ ક્રેશ થયા છે. US F-16 Thunderbirds, F-16 Falcons, F-22 Raptors અને A-10 ફાઈટર જેટ પણ ક્રેશ થયા છે. જો કે, યુએસ એરફોર્સ હવે F-35 ફાઇટર જેટના નવા કાફલાનો ઉપયોગ કરી રહી છે, જે F-16 નું એડવાન્સ વર્ઝન છે. ડોનાલ્ડ ટ્રમ્પ એડમિનિસ્ટ્રેશન F-47 ફાઈટર જેટને વિકસાવવા પર પણ કામ કરી રહ્યું છે.
