બિહારની નવી કેબિનેટની આજે પ્રથમ બેઠક યોજાઈ હતી, જેમાં ઘણા મોટા નિર્ણયો લેવામાં આવ્યા હતા. બેઠકની શરૂઆતમાં મુખ્યમંત્રી નીતિશ કુમારે 18મી વિધાનસભાના પ્રથમ સત્રની જાહેરાત કરી હતી. તેમણે કહ્યું કે બિહાર વિધાનસભા 1 થી 6 ડિસેમ્બર સુધી ચાલશે. આ સત્ર દરમિયાન, તમામ નવા ચૂંટાયેલા ધારાસભ્યો શપથ લેશે, વિધાનસભા અધ્યક્ષની પસંદગી કરવામાં આવશે અને વિપક્ષના નેતાની જાહેરાત કરવામાં આવશે.
કેબિનેટમાં અનેક પ્રસ્તાવ પાસ થયા
કેબિનેટની બેઠકમાં, નીતિશ કુમાર સરકારે રાજ્યમાં રોજગાર અને તકનીકી વિકાસને પ્રોત્સાહન આપવાના હેતુથી ઘણી દરખાસ્તોને મંજૂરી આપી હતી. પૂર્વીય ભારતને નવા ટેક હબ તરીકે વિકસાવવા માટે મુખ્ય સચિવના નેતૃત્વમાં એક સમિતિની રચના કરવામાં આવી છે. આ દિશામાં કામ છ મહિનામાં શરૂ થઈ જશે. બિહારને વૈશ્વિક કાર્યસ્થળ બનાવવાનું લક્ષ્ય હાંસલ કરવા માટે પ્રતિભાશાળી યુવાનો સાથે કામ કરવા માટે એક ઉચ્ચ સ્તરીય સમિતિની પણ રચના કરવામાં આવશે.
સુગર મિલો ફરી ખુલશે
કેબિનેટની બેઠકમાં આર્ટિફિશિયલ ઈન્ટેલિજન્સને પ્રોત્સાહન આપવા માટે બીજી વિશેષ સમિતિ બનાવવાનો પણ નિર્ણય લેવામાં આવ્યો હતો. શહેરી વિકાસ હેઠળ, પટના, સોનપુર અને સીતામઢી સહિત નવ વિભાગીય મુખ્યાલયોમાં નવી ટાઉનશીપ વિકસાવવા માટે નક્કર પગલાં લેવામાં આવશે. એક મોટી રાહતમાં, કેબિનેટે કુલ 25 ખાંડ મિલોને ફરીથી ખોલવાનો નિર્ણય લીધો છે, જેમાં નવ બંધ પડી ગયેલી મિલો છે. આનાથી કૃષિ અને ઔદ્યોગિક ક્ષેત્ર મજબૂત થવાની અપેક્ષા છે.
26 મંત્રીઓ સાથે શપથ લીધા
ઉલ્લેખનીય છે કે બિહાર વિધાનસભા ચૂંટણીમાં બહુમતી સાથે જીત મેળવ્યા બાદ એનડીએ ગઠબંધને સતત બીજી વખત સરકાર બનાવી છે. બિહારમાં નીતીશ કુમાર નવી સરકારનું નેતૃત્વ કરી રહ્યા છે. નીતિશ કુમાર 10મી વખત બિહારના મુખ્યમંત્રી બન્યા અને 20 નવેમ્બરે 26 મંત્રીઓ સાથે શપથ લીધા. તેમણે મંત્રીઓમાં પોર્ટફોલિયોની વહેંચણી પણ કરી છે. તેમણે અને તેમના મંત્રીઓએ તેમના હોદ્દા સંભાળ્યા, અને પ્રથમ કેબિનેટ બેઠક 25 નવેમ્બરના રોજ યોજાઈ હતી.
