સોના સામે લોન લેવી એ એક સામાન્ય બાબત છે, પરંતુ શું તમે વિચાર્યું છે કે તમારા ઘરની તિજોરીમાં રાખેલી તમારી ચાંદીની પાયલ, વીંટી અથવા સિક્કા પણ તમને મુશ્કેલ સમયમાં પૈસા મેળવવામાં મદદ કરી શકે છે? હા, હવે આ શક્ય બનશે. સામાન્ય માણસને મોટી રાહત આપતા રિઝર્વ બેંક ઓફ ઈન્ડિયા (RBI) એ એક નવો નિયમ બનાવ્યો છે, જેના હેઠળ હવે સોનાની સાથે-સાથે ચાંદી પર પણ લોન લઈ શકાશે. ઘણીવાર જ્યારે લોકોને અચાનક પૈસાની જરૂર પડે છે ત્યારે તેઓ પર્સનલ લોન અથવા ગોલ્ડ લોનનો આશરો લે છે. પરંતુ હવે તમારા ઘરમાં રાખેલી ચાંદી પણ તમારા માટે આર્થિક મદદનો બીજો મોટો સ્ત્રોત બનવા જઈ રહી છે. આ સુવિધા ક્યારે શરૂ થશે? આરબીઆઈ દ્વારા જારી કરાયેલા નવા પરિપત્ર મુજબ, આ સુવિધા 1 એપ્રિલ, 2026થી શરૂ થશે. આનો અર્થ એ છે કે હવે અચાનક પૈસાની જરૂર પડવા પર તમારે ફક્ત પર્સનલ લોન અથવા ગોલ્ડ લોન પર નિર્ભર રહેવું પડશે નહીં. તમારા ઘરમાં રાખવામાં આવેલ ચાંદી તમને આર્થિક રીતે પણ મદદ કરી શકે છે. તમને કેટલી ચાંદીની સામે લોન મળશે? RBI એ પણ નક્કી કર્યું છે કે તમે કેટલી ચાંદી ગીરવે મુકી શકો છો. નિયમો અનુસાર, તમે 10 કિલો સુધીના ચાંદીના ઘરેણાં અને 500 ગ્રામ સુધીના ચાંદીના સિક્કા ગિરવે મૂકીને લોન લઈ શકશો. તમને કેટલી લોન મળશે તે તમારી ચાંદીની વર્તમાન કિંમત (લોન-ટુ-વેલ્યુ રેશિયો) પર આધારિત છે. આ લોન કોણ આપશે? આરબીઆઈએ આ સુવિધા શક્ય તેટલા લોકો સુધી પહોંચાડવાની વ્યવસ્થા કરી છે. આ લોન તમને અહીં ઉપલબ્ધ થશે: તમામ કોમર્શિયલ બેંકો (નાની ફાઇનાન્સ બેંકો અને ગ્રામીણ બેંકો સહિત) શહેરી અને ગ્રામીણ સહકારી બેંકો નોન-બેંકિંગ નાણાકીય કંપનીઓ (NBFCs) હાઉસિંગ ફાઇનાન્સ કંપનીઓ આ નિર્ણય લાખો ભારતીય પરિવારો માટે મોટી રાહત છે જેમની પાસે ચાંદીના રૂપમાં સંપત્તિ છે, પરંતુ કટોકટીમાં તેનો ઉપયોગ કરવામાં સક્ષમ નથી. હવે આ નિયમ તેમની નાણાકીય સુરક્ષાને વધુ મજબૂત કરશે.
