ફ્લાઈટ ટિકિટ કેન્સલેશન: હવાઈ મુસાફરો માટે સારા સમાચાર! ડિરેક્ટોરેટ જનરલ ઓફ સિવિલ એવિએશન (DGCA) એ ટિકિટ કેન્સલેશન અને રિફંડના નિયમોમાં મોટા ફેરફાર કરવાની તૈયારી કરી લીધી છે. જો તમે બુકિંગના 48 કલાકની અંદર ટિકિટ કેન્સલ કરાવવા માંગતા હોવ તો કોઈ વધારાનો ચાર્જ લેવામાં આવશે નહીં. આ સુવિધા ટિકિટમાં તારીખ બદલવા પર પણ લાગુ થશે. ડીજીસીએની દરખાસ્ત મુજબ, મુસાફરોને આ ‘લુક-ઇન’ સમયગાળા દરમિયાન સંપૂર્ણ છૂટ મળશે. રિફંડ ક્યાં જશે? ટિકિટ કેન્સલેશન પછી, રિફંડની રકમ એરલાઇનના ક્રેડિટ શેલ અથવા વૉલેટમાં ડિફૉલ્ટ રૂપે જમા કરવામાં આવશે નહીં. મુસાફર પૈસા ક્યાં જમા કરવા તે પસંદ કરી શકશે. 21 દિવસમાં સંપૂર્ણ રિફંડ જો તમે ટ્રાવેલ એજન્ટ અથવા ઓનલાઈન પોર્ટલ મારફત ટિકિટ ખરીદી હોય તો પણ એરલાઈન રિફંડ માટે જવાબદાર રહેશે. એરલાઈન્સે 21 કાર્યકારી દિવસોમાં સંપૂર્ણ રિફંડ આપવું પડશે. આ નિયમો હાલમાં ડ્રાફ્ટ સ્વરૂપમાં છે. આ તમામ ફેરફારો હજુ ડ્રાફ્ટ સ્ટેજમાં છે. DGCAએ 30 નવેમ્બર સુધી સૂચનો આમંત્રિત કર્યા છે. મુસાફરો અને ઉપભોક્તા જૂથો લાંબા સમયથી છેલ્લી ઘડીના ચાર્જ અંગે ફરિયાદ કરી રહ્યાં છે. આ પ્રસ્તાવ આ સમસ્યાનો ઉકેલ બની શકે છે. જો આ નિયમો લાગુ થશે તો ભારતીય હવાઈ મુસાફરોને મોટી રાહત મળશે.
