મુંબઈ, 1 નવેમ્બર (NEWS4). નિર્માતાઓએ અભિનેતા સુધીર બાબુ અને સોનાક્ષી સિન્હા અભિનીત ફિલ્મ ‘જટાધારા’નું નવું ગીત ‘શિવ સ્તોત્રમ’ રિલીઝ કર્યું છે.
‘શિવ સ્તોત્રમ’માં સુધીર બાબુનો લુક ઘણો જ આકર્ષક છે. તેમને જોઈને એવું લાગે છે કે જાણે ભગવાન પોતે અવતર્યા છે. ગીતને જબરદસ્ત ગ્રાફિક્સ સાથે તૈયાર કરવામાં આવ્યું છે.
મેકર્સે ઈન્સ્ટાગ્રામ પર કેપ્શનમાં લખ્યું, “તે જ સમય છે. તે જ સત્ય છે. તે જ તોફાન છે અને આ જ શાંતિ છે. ‘જટાધારા’માંથી શિવસ્તોત્રમ.”
‘શિવ સ્તોત્રમ’ને આધુનિક બીટ્સ સાથે ભેળવીને નવી શૈલીમાં રજૂ કરવામાં આવ્યું છે, જેથી આજના યુવાનોને કંઈક નવું જોવા મળે.
‘શિવ સ્તોત્રમ’ તમામ મ્યુઝિક પ્લેટફોર્મ પર ઉપલબ્ધ છે. ચાહકોને આ ગીત ઘણું પસંદ આવી રહ્યું છે. તેઓ હવે ફિલ્મની રિલીઝની આતુરતાથી રાહ જોઈ રહ્યા છે. અગાઉ, ફિલ્મના ઘણા ગીતો રિલીઝ થઈ ચૂક્યા છે, જેમાં ‘પલો લટકે’, ‘ધન પિસાચીની’ અને ‘જો લાલી જો’નો સમાવેશ થાય છે.
અભિષેક જયસ્વાલ અને વેંકટ કલ્યાણ દ્વારા નિર્દેશિત ફિલ્મ ‘જટાધારા’માં સોનાક્ષી અને સુધીર ઉપરાંત દિવ્યા ખોસલા, શિલ્પા શિરોડકર, ઈન્દિરા કૃષ્ણ, રવિ પ્રકાશ, નવીન નેની, રોહિત પાઠક, રાજીવ કંકલા અને સુભાલેખા સુધાકર મહત્વની ભૂમિકામાં છે.
આ ફિલ્મનું નિર્માણ ઉમેશ કુમાર બંસલ, શિવિન નારંગ, અરુણા અગ્રવાલ, પ્રેરણા અરોરા, શિલ્પા સિંઘલ અને નિખિલ નંદા દ્વારા કરવામાં આવી રહ્યું છે અને તેના સહ નિર્માતા અક્ષય કેજરીવાલ અને કુસુમ અરોરા છે, જ્યારે દિવ્યા વિજય ક્રિએટિવ પ્રોડ્યુસરના રોલમાં છે અને ભાવિની ગોસ્વામી સુપરવિઝ પ્રોડ્યુસરની ભૂમિકામાં છે. આ ફિલ્મ હિન્દી અને તેલુગુમાં 7 નવેમ્બરે રિલીઝ થશે.
–NEWS4
ns/abm
