કર્ણાટકના મુખ્યમંત્રી સિદ્ધારમૈયાએ સંકેત આપ્યા છે કે તેઓ નવેમ્બર પછી તેમની સરકારના મંત્રીમંડળમાં ફેરબદલ કરી શકે છે. આ ફેરબદલ એવા સમયે થશે જ્યારે સિદ્ધારમૈયા સરકાર અઢી વર્ષ પૂર્ણ કરશે. શનિવારે મીડિયા સાથે વાત કરતા સીએમ સિદ્ધારમૈયાએ કહ્યું કે ‘કોંગ્રેસ હાઈકમાન્ડે તેમને ચાર મહિના પહેલા કેબિનેટનું વિસ્તરણ કરવાનું કહ્યું હતું, પરંતુ મેં તેમને કહ્યું કે સરકારના અઢી વર્ષ પૂરા થયા પછી જ કેબિનેટમાં ફેરબદલ કરવામાં આવશે.’
મુખ્યમંત્રીએ કહ્યું કે ‘જ્યારે આ સીમાચિહ્ન પાર થશે ત્યારે હું પાર્ટી હાઈકમાન્ડ સાથે ચર્ચા કરીશ અને તેમની સૂચનાના આધારે કામ કરીશ.’ સિદ્ધારમૈયા 16 નવેમ્બરે દિલ્હીના પ્રવાસે હશે, જ્યાં તેઓ વરિષ્ઠ વકીલ અને કોંગ્રેસના ભૂતપૂર્વ નેતા કપિલ સિબ્બલના પુસ્તક વિમોચન કાર્યક્રમમાં હાજરી આપશે.
