સિદ્ધપુર સરકારી નર્સિંગ કોલેજ ખાતે સિધ્ધપુર ડીવીઝન ગ્રીડ સ્ટાફની ધિરાણ અને ગ્રાહક સહકારી મંડળી લી.ના સુવર્ણ જયંતિ સમારોહ માન. કેબિનેટ મંત્રી બલવંતસિંહ રાજપૂતની ઉપસ્થિતિમાં યોજાયો હતો. આ સમારોહ કેબિનેટ મંત્રી બલવંતસિંહ રાજપૂતના હસ્તે ઓફિસ ડાયરીનું વિમોચન તેમજ મૃત્યુ સહાય નિધિ અંતર્ગત પાંચ લાખનો ચેક અર્પણ, નિવૃત્ત કર્મચારીનુ સન્માન અને સભાસદોના ધોરણ ૧૦ અને ૧૨ વિદ્યાર્થીઓને શૈક્ષણિક ક્ષેત્રે સફળતા બદલ ઈનામ વિતરણ કરવામાં આવ્યું.આ પ્રસંગે પૂર્વ મંત્રી વાસણભાઈ આહિર, યુજી વીસીએલ એમડી એન.એફ ચૌધરી, પ્રમુખ સુરેશભાઈ જી. દેસાઈ , સિનિયર જનરલ સેક્રેટરી બળદેવભાઈ પટેલ, સુરેશભાઈ પટેલ , ચેરમેન જિલ્લા સહકારી સંઘ પાટણ, વી. બી. બોડાત – અધિક્ષક ઈજનેર, એ. એચ. પટેલ – કાર્યપાલક ઈજનેર, યુજીવીસીએલ., વિભાગીય કચેરી સિધ્ધપુર, વી. આર. ચૌધરી – કાર્યપાલક ઈજનેર, જેટકો, વિભાગીય કચેરી ખેરાલુ, કારોબારી સભ્યશ્રીઓ, ઉપસ્થિત રહ્યા હતા.
