શેરબજાર બંધ: ભારતીય શેરબજાર ગઈકાલે મોટા ઘટાડા બાદ અને સાત મહિનાની નીચી સપાટીએ પહોંચ્યા બાદ આજે સુધર્યું હતું. આઈટી અને ટેક્નોલોજી શેરોમાં ભારે ખરીદીના પગલે ઈન્ટ્રા-ડે સેન્સેક્સ 624.77 પોઈન્ટ ઉછળ્યો હતો. જે અંતે 566.63 પોઈન્ટ વધીને 76404.99 અને નિફ્ટી 130.70 પોઈન્ટ વધીને 23155.35ની સપાટીએ બંધ રહ્યો હતો.
સેન્સેક્સ આઇટી શેર્સ ઇન્ફોસિસ 3.17 ટકા, TCS 2.89 ટકા અને ટેક મહિન્દ્રા 2.28 ટકાના વધારા સાથે બંધ થયા છે. HCL ટેક. 1.35 ટકાનો વધારો થયો હતો. આઈટી સેક્ટરના કેટલાક શેરોમાં આકર્ષક ખરીદીના કારણે ઈન્ડેક્સ 1.88 ટકા વધ્યો હતો. જોકે, આઈટી ઈન્ડેક્સમાં સમાવિષ્ટ 20 શેરોમાં સુધારો અને 36 શેરોમાં ઘટાડો નોંધાયો હતો.
માર્કેટ બ્રેડ્થ નેગેટિવ
બીએસઈ પર આજે કુલ 4059 શેરના સોદા થયા હતા, જેમાંથી 1159 શેર સુધર્યા હતા, જ્યારે 2786 શેરો ઘટાડા સાથે બંધ થયા હતા. 81 શેર વર્ષના ઉચ્ચ સ્તરે અને 155 શેર વર્ષના નીચલા સ્તરે પહોંચ્યા. આ ઉપરાંત 313 શેરમાં નીચલી સર્કિટ અને 182 શેરમાં અપર સર્કિટ નોંધાઈ હતી. જે બજારની સ્થિતિ નેગેટિવ રહેવાથી સાવચેતીનો સંકેત આપે છે.
સ્મોલ કેપમાં ઘટાડો, રિયલ્ટી શેરોમાં ઘટાડો
શેરબજારમાં આજે સ્મોલ કેપ શેરોમાં 15 ટકા સુધીનો તફાવત જોવા મળ્યો હતો. બીએસઈ સ્મોલકેપ ઈન્ડેક્સમાં લિસ્ટેડ 937 શેરોમાંથી 761 શેરો ભારે ઘટવા સાથે ઈન્ડેક્સ 807.86 પોઈન્ટ પર તૂટી પડ્યો હતો. બીજી તરફ રિયલ્ટી શેરોમાં મંદી વધી છે. લોઢા ડેવલપર્સ 5.85 ટકા, ગોદરેજ પ્રોપર્ટીઝ 5.18 ટકા, ઓબેરોય રિયલ્ટી 5.00 ટકા ઘટ્યા હતા. છેલ્લા ત્રણ-ચાર ટ્રેડિંગ સેશનથી રિયલ્ટી શેરોમાં સતત ઘટાડો થઈ રહ્યો છે.
એનર્જી, મેટલ્સ અને પીએસયુ શેરોમાં પ્રોફિટબુકિંગ બાદ સેન્ટિમેન્ટ ખાટું થઈ ગયું હતું. FII દ્વારા સતત વેચવાલી અને આર્થિક મંદીના ભય વચ્ચે રોકાણકારો સાવધ બન્યા છે. રોકાણકારો ટ્રમ્પની નીતિ અને આગામી બજેટની જાહેરાતો પર રાહ જુઓ અને જુઓનો અભિગમ અપનાવી રહ્યા છે.
