લોરેન્સ ગેંગે ફરી એકવાર રાજસ્થાનમાં પોલીસ અને પીડિતાના પરિવારની 5 કરોડ રૂપિયાની ખંડણીની માંગ કરીને ઉંઘ હરામ કરી દીધી છે. લોરેન્સ બિશ્નોઈ ગેંગે રાજસ્થાનના શ્રી ગંગાનગર જિલ્લામાં રહેતા એક વેપારી પાસેથી 5 કરોડ રૂપિયાની ખંડણી માંગી છે.
આ અંગે મંગળવારે સવારે પોલીસ સ્ટેશનમાં લેખિત ફરિયાદ પણ દાખલ કરવામાં આવી છે, ત્યારબાદ પોલીસે વેપારીના પરિવારને સુરક્ષા પૂરી પાડી છે. વેપારીનું કહેવું છે કે તેને તેના પુત્રના ફોન પર ખંડણી માટે ધમકીભર્યો ફોન આવ્યો હતો. ધમકી આપનાર વ્યક્તિએ તેનું નામ રોહિત ગોદારા હોવાનું જણાવ્યું હતું, જે લોરેન્સ ગેંગનો છે.
તાજેતરમાં જ રાજસ્થાન પોલીસ પાસે પણ આવો જ એક કિસ્સો સામે આવ્યો હતો. જેમાં પોલીસે મહિલાની ફરિયાદ પરથી અજાણ્યા શખ્સ સામે ગુનો નોંધ્યો છે. પ્રાથમિક તપાસમાં સામે આવ્યું છે કે આબાદી પોલીસ સ્ટેશન વિસ્તારમાં રહેતી મહિલાને આંતરરાષ્ટ્રીય નંબર પરથી કોલ કરવામાં આવ્યો હતો. ફોન કરનારે પોતાનું નામ રોહિત ગોદારા હોવાનું જણાવ્યું હતું અને મહિલા પાસેથી 50 લાખ રૂપિયાની ખંડણી માંગી હતી. આ ઉપરાંત ખંડણી ન ચૂકવે તો જાનથી મારી નાખવાની ધમકીઓ પણ આપવામાં આવી હતી.
