અમદાવાદઃ રિયલ એસ્ટેટ ક્ષેત્રે રોકાણકારો માટે આ વર્ષ ઘણું સારું સાબિત થઈ રહ્યું છે. આ વર્ષે, રિયલ એસ્ટેટ ઉદ્યોગમાં સંસ્થાકીય રોકાણ પાછલા વર્ષની સરખામણીમાં 51 ટકાની જંગી વૃદ્ધિ સાથે રેકોર્ડ ઊંચાઈએ પહોંચ્યું છે. આ વર્ષે, રિયલ એસ્ટેટમાં સંસ્થાકીય રોકાણ માટે પણ વધુ સોદા કરવામાં આવ્યા છે.
ઉપલબ્ધ ડેટા મુજબ, રિયલ એસ્ટેટ ઉદ્યોગમાં સંસ્થાકીય રોકાણ 2024માં $8.9 બિલિયન થવાનો અંદાજ છે. જે ગયા વર્ષના $5.8 બિલિયનના રોકાણ કરતાં 51 ટકા વધુ છે. આ ઉપરાંત, આ અત્યાર સુધીનું વિક્રમી સંસ્થાકીય રોકાણ પણ છે. અગાઉ 2007માં $8.4 બિલિયનનું વિક્રમી રોકાણ કરવામાં આવ્યું હતું. જે આ વર્ષે 6 ટકા વધુ સંસ્થાકીય રોકાણ છે. આ વર્ષે આ સેક્ટરમાં 78 સોદા થયા છે, જે ગયા વર્ષની સરખામણીમાં 47 ટકા વધુ છે.
રિયલ એસ્ટેટમાં સંસ્થાકીય રોકાણ આ વર્ષે વિદેશી રોકાણમાં સૌથી વધુ હિસ્સો ધરાવે છે. ડેટા અનુસાર, આ વર્ષે કુલ સંસ્થાકીય રોકાણમાંથી 63 ટકા વિદેશી રોકાણકારોનું હતું, જ્યારે 37 ટકા રોકાણ સ્થાનિક ઉદ્યોગ દ્વારા કરવામાં આવ્યું હતું. મોટા ભાગનું વિદેશી રોકાણ અમેરિકામાંથી આવ્યું છે. કુલ રોકાણમાં અમેરિકાનો હિસ્સો 26 ટકા હતો.
સામાન્ય રીતે, રિયલ એસ્ટેટ ઉદ્યોગમાં સંસ્થાકીય રોકાણ ઓફિસ સેક્ટરમાં સૌથી વધુ છે. પરંતુ આ વર્ષે પ્રથમ વખત રેસિડેન્શિયલ સેક્ટરે આ મામલે ઓફિસ સેક્ટરને પાછળ છોડી દીધું છે. રિપોર્ટ અનુસાર, કુલ સંસ્થાકીય રોકાણમાં રહેણાંક ક્ષેત્રનો હિસ્સો સૌથી વધુ 45 ટકા હતો, જ્યારે ઓફિસ સેક્ટરનો હિસ્સો 28 ટકા હતો. વેરહાઉસિંગ સેક્ટર 23 ટકા હિસ્સા સાથે ત્રીજા સ્થાને છે.
