નવી દિલ્હી, 21 જાન્યુઆરી 2026: ભારતમાં મહિલાઓની સુરક્ષા, કરિયર ગ્રોથ અને રહેવાની આઝાદીના મામલે કયા શહેરો શ્રેષ્ઠ છે, તેને લઈને એક નવો રિપોર્ટ ‘ટોપ સિટીઝ ફોર વુમન ઇન ઇન્ડિયા’ (TCWI) જાહેર થયો છે. વર્કપ્લેસ કલ્ચર કન્સલ્ટિંગ ફર્મ ‘અવતાર ગ્રુપ’ દ્વારા બહાર પાડવામાં આવેલા આ ચોથા એડિશન મુજબ, દિલ્હી અને મુંબઈ જેવા મેટ્રો શહેરોને પાછળ છોડીને દક્ષિણ ભારતના શહેરોએ બાજી મારી છે. આ લિસ્ટમાં બેંગલુરુ મહિલાઓ માટે ભારતનું સૌથી સુરક્ષિત અને સાનુકૂળ શહેર સાબિત થયું છે.
રિપોર્ટ અનુસાર, બેંગલુરુ 53.29 ના ‘સિટી ઇન્ક્લુઝન સ્કોર’ સાથે પ્રથમ ક્રમે છે. અહીં મહિલાઓને માત્ર સુરક્ષા જ નહીં, પરંતુ કરિયરની ઉત્તમ તકો અને વર્ક-લાઇફ બેલેન્સ પણ મળી રહે છે. બીજા ક્રમે રહેલા ચેન્નાઈએ પબ્લિક ટ્રાન્સપોર્ટ, હેલ્થ અને એજ્યુકેશન જેવા સામાજિક માપદંડો પર શ્રેષ્ઠ પ્રદર્શન કર્યું છે.
બેંગલુરુ: કરિયર અને સુરક્ષામાં સર્વોપરી.
ચેન્નાઈ: જાહેર સેવાઓ અને સુરક્ષિત વાતાવરણ.
