મુંબઈ, 04 માર્ચ 2026: Big crash in Indian stock market ઈરાન સામે ઈઝરાઈલ અને અમેરિકાના યુદ્ધને લીધે વિશ્વના શેર બજારોને અસર થઈ છે ત્યારે ઈરાને હોર્મુઝ ખાડી બંધ કરી દેતા ભારતની આયાક-નિકાસને ફટકો પડ્યો છે, તેથી આજે ભારતીય શેર બજારમાં મોટો કડાકો જોવા મળ્યો છે. પ્રિ ઓપનિંગમાં સેન્સેક્સમાં 1700થી વધુ અંકનો ઘટાડો થયો છે. સેન્સેક્સ 1700થી વધુ પોઈન્ટ અથવા 2.13% ઘટીને 78,528 પર તો નિફ્ટી 500 પોઈન્ટ અથવા 1.92% ઘટીને 24,389ના સ્તરે કારોબાર કરી રહ્યો છે. બેંક અને ઓટો શેરમાં ભારે ઉથલપાથલ જોવા મળી છે.
ભારતીય શેર બજારમાં આજે સેન્સેક્સ 1700 પોઈન્ટ અથવા 2.13% ઘટીને 78,528 પર પહોંચી ગયો છે. નિફ્ટી 500 પોઈન્ટ અથવા 1.92% ઘટીને 24,350 ના સ્તરે પહોંચી ગયો છે. બેંક અને ઓટો શેર ઘટ્યા છે. જિયોપોલિટિકલ તણાવ અને યુદ્ધ જેવી પરિસ્થિતિઓમાં, ફુગાવો વધવાનું જોખમ રહેલું છે. આ કંપનીઓના નફામાં ઘટાડો કરી શકે છે. આવી સ્થિતિમાં રોકાણકારો તેમના શેર વેચવાનું શરૂ કરે છે અને તેમને સોના અને ચાંદી જેવા સુરક્ષિત વસ્તુઓમાં રોકાણ કરે છે. આનાથી બજારમાં ઘટાડો થાય છે.
અમેરિકાના પ્રમુખ ટ્રમ્પે ગઈકાલે જાહેરાત કરી હતી કે હાલ ચાલી રહેલું યુદ્ધ હજુ 4 થી 5 અઠવાડિયા સુધી ચાલુ રહી શકે છે. આ નિવેદન બાદ રોકાણકારોએ જોખમી એસેટ્સ વેચવાનું શરૂ કર્યું છે અને પોતાની મૂડી રોકડમાં શિફ્ટ કરી રહ્યા છે. આ અનિશ્ચિતતાને કારણે બજારમાં ભારે વેચવાલી જોવા મળી હતી. ડોલર મજબૂત થતા વોલ સ્ટ્રીટ પર પણ તેની નકારાત્મક અસર પડી. રોકાણકારો સુરક્ષિત રોકાણ તરીકે ડોલર તરફ વળતા અમેરિકી ડોલર મજબૂત થયો છે. વિશ્વની છ મુખ્ય કરન્સી સામે ડોલરની મજબૂતી દર્શાવતો ઇન્ડેક્સ 99.28 પર પહોંચી હતી. બ્રેન્ટ ક્રૂડમાં આજે લગભગ અડધા ટકાનો ઉછાળો છે. તે 80 ડોલર પ્રતિ બેરલને પાર પહોંચી ગયું છે. છેલ્લા ત્રણ દિવસમાં તેના ભાવ 13% થી વધુ વધી ચૂક્યા છે. નિષ્ણાતોનું માનવું છે કે જો આ તણાવ વધુ વધશે, તો તેલની કિંમતો 120 ડોલર પ્રતિ બેરલ સુધી જઈ શકે છે. તેની અસર ભારતમાં પેટ્રોલ-ડીઝલ પર જોવા મળી શકે છે. MCX ફ્યુચર્સ માર્કેટમાં આજે સોનાના ભાવ 1.5% થી વધુ વધ્યા. તે ₹2,500 વધીને ₹1.64 લાખ પ્રતિ 10 ગ્રામ પર ટ્રેડ થઈ રહ્યા છે. ચાંદી પણ ₹7,000 (2.8%) વધીને ₹2.79 લાખ પ્રતિ કિલો પર ટ્રેડ થઈ રહી છે.
