નવી દિલ્હી. ટીમ ઈન્ડિયાએ આજે ભારત અને આયર્લેન્ડ વિમેન્સ ક્રિકેટ વનડે શ્રેણીની ત્રીજી મેચમાં શાનદાર પ્રદર્શન કરીને ઈતિહાસ રચ્યો છે. ભારતીય ટીમે આયર્લેન્ડ સામે 50 ઓવરમાં 435 રન બનાવ્યા હતા. આ ટીમ ઈન્ડિયાનો અત્યાર સુધીનો સૌથી મોટો ODI સ્કોર છે. આ સાથે ભારતીય ટીમ વનડેમાં 400નો સ્કોર પાર કરનારી પ્રથમ એશિયન મહિલા ટીમ પણ બની ગઈ છે. ભારતીય ઓપનર સ્મૃતિ મંધાના બાદ પ્રતિકા રાવલે પણ વિસ્ફોટક સદી ફટકારી ટીમને આ સ્કોર સુધી પહોંચાડી હતી.
🔓
માઉન્ટ 4️⃣0️⃣0️⃣ ✅
4️⃣3️⃣5️⃣ હવે છે #TeamIndiaમહિલા વનડેમાં સૌથી વધુ કુલ સ્કોર 🔝 👏
અપડેટ્સ ▶️ https://t.co/xOe6thhPiL#INDvIRE , @IDFCFIRSTBank pic.twitter.com/DA0X4HUAuB
– BCCI મહિલા (@BCCIWomen) 15 જાન્યુઆરી, 2025
પ્રતિકાએ તેના બેટથી શાનદાર પ્રદર્શન કર્યું અને 129 બોલમાં 154 રન બનાવ્યા. વિકેટકીપર રિચા ઘોષે પણ 42 બોલમાં શાનદાર 59 રન બનાવ્યા હતા. આ પહેલા કેપ્ટન સ્મૃતિ મંધાનાએ 80 બોલમાં 135 રન બનાવ્યા હતા. ટીમ ઈન્ડિયાની આજની ઈનિંગ દરમિયાન કુલ 9 સિક્સ અને 48 ફોર ફટકારવામાં આવી હતી.
પ્રતિકાના નામે વર્લ્ડ રેકોર્ડ નોંધાયો
આજે પ્રતિકા રાવલે પોતાની કારકિર્દીની પ્રથમ ODI ઈન્ટરનેશનલ સદી જ નથી ફટકારી પરંતુ એક ખાસ વિશ્વ રેકોર્ડ પણ પોતાના નામે નોંધાવ્યો છે. પ્રતિકા રાવલ એવી ખેલાડી બની ગઈ છે જેણે મહિલા વન ડે ઈન્ટરનેશનલ ક્રિકેટમાં પ્રથમ 6 દાવમાં સૌથી વધુ રન બનાવ્યા છે. પ્રતિકા રાવલે પ્રથમ 6 ઇનિંગ્સમાં 444 રન બનાવીને ઇંગ્લેન્ડની શાર્લોટ એડવર્ડ્સના 434 રનના રેકોર્ડને તોડ્યો હતો. પ્રતિકાએ 22 ડિસેમ્બર 2024ના રોજ વેસ્ટ ઈન્ડિઝ સામે તેની પ્રથમ વનડે રમી હતી. ત્યારથી અત્યાર સુધી 6 ઇનિંગ્સમાં પ્રતિકાએ ત્રણ અર્ધસદી અને એક સદી ફટકારી છે. આયર્લેન્ડ સામે રમાયેલી પ્રથમ અને બીજી વનડે મેચમાં અડધી સદી ફટકાર્યા બાદ પ્રતિકાએ આજે ત્રીજી મેચમાં સદી ફટકારી હતી. પ્રતિકાએ અત્યાર સુધીમાં 60થી વધુની એવરેજથી 444 રન બનાવ્યા છે.
