મુંબઈ: યુએસ સિક્યોરિટીઝ એન્ડ એક્સચેન્જ કમિશને ડિજિટલ અસ્કયામતો માટે નિયમનકારી માળખું ડિઝાઇન કરવા માટે વિશેષ ટાસ્ક ફોર્સની રચનાની જાહેરાત કર્યા પછી, ક્રિપ્ટોકરન્સી માર્કેટના ખેલાડીઓમાં સેન્ટિમેન્ટ સુધર્યું અને અન્ય ક્રિપ્ટો પણ બિટકોઈનની આગેવાનીમાં સુધારો જોવા મળ્યો. ટ્રમ્પના પરિવારની માલિકીની ક્રિપ્ટોમાં પણ સુધારો જોવા મળ્યો હતો.
અમેરિકી રાષ્ટ્રપતિ ડોનાલ્ડ ટ્રમ્પના વહીવટમાં ક્રિપ્ટો પોલિસી તરફ આ એક મોટું પગલું માનવામાં આવી રહ્યું છે. ચૂંટણી જીત્યા બાદ ટ્રમ્પે કમિશનના અધ્યક્ષ તરીકે નવી નિમણૂક કરી.
કમિશનના નવા અધ્યક્ષ, માર્ક યુડાના કાર્યાલયના એક નિવેદનમાં કહેવામાં આવ્યું છે કે ટાસ્ક ફોર્સ એક નિયમનકારી માળખું બનાવવામાં મદદ કરશે.
ટ્રમ્પ આગામી દિવસોમાં ક્રિપ્ટો માર્કેટ માટે એક્ઝિક્યુટિવ ઓર્ડર જારી કરે તેવી પણ અપેક્ષા છે.
મોડી સાંજે મુખ્ય ક્રિપ્ટો બિટકોઈન $1,07,246 ની ઊંચી અને $1,02,813 ની નીચી સપાટીથી $105,371 પર ક્વોટ થયું હતું. ટ્રમ્પ પરિવારની માલિકીની ક્રિપ્ટો મેલાનિયાની કિંમત મોડી સાંજે $3.72ની નીચી અને $4.99ની ઊંચી $4.02 પર ટ્રેડ થઈ રહી હતી. ટ્રમ્પની કિંમત $48.28ની ટોચે અને $35.53ની નીચે હતી અને મોડી સાંજ સુધીમાં $42.02 હતી.
