બોલીવુડ અભિનેત્રી કૃતિ સેનન બુધવારે તેની બહેનના લગ્નમાં હાજરી આપવા ઉદયપુર પહોંચી હતી. આ દરમિયાન તેનો કથિત બોયફ્રેન્ડ કબીર પણ તેની સાથે જોવા મળ્યો હતો. કૃતિની બહેન અને અભિનેત્રી નૂપુર સેનન 11 જાન્યુઆરીએ ગાયક સ્ટેબિન બેન સાથે લગ્ન કરશે. તેનું આયોજન ઉદયપુરની હોટેલ ફેરમોન્ટ પેલેસમાં થશે.
લગ્ન સંબંધિત વિધિઓ 9 જાન્યુઆરીથી શરૂ થશે. કૃતિ, નુપુર, સ્ટેબિન અને પરિવારના સભ્યો લગભગ સાંજે 6 વાગ્યે ચાર્ટર ફ્લાઈટ દ્વારા ડાબોક એરપોર્ટ પહોંચ્યા, જ્યાંથી બધા સીધા હોટેલ માટે રવાના થયા. લગ્ન પ્રાઈવેટ અને રોયલ સ્ટાઈલમાં રાખવામાં આવ્યા છે, જેમાં માત્ર પરિવાર અને નજીકના મિત્રોને જ આમંત્રણ આપવામાં આવ્યું છે.
કૃતિ સેનન, નુપુર સેનન અને સ્ટેબીનનું એરપોર્ટ પર ડ્રમ સાથે સ્વાગત કરવામાં આવ્યું હતું. ચાહકો તેની સાથે તેમના ફોટા ક્લિક કરાવવા માટે ઉત્સાહિત દેખાતા હતા. લગ્નમાં ફિલ્મ અને મ્યુઝિક ઈન્ડસ્ટ્રીમાંથી માત્ર પસંદગીના મહેમાનો જ હાજરી આપશે.
