મંગળવારે બપોરે 12:30 વાગ્યે ઇસ્લામાબાદ ડિસ્ટ્રિક્ટ કોર્ટની બહાર એક જોરદાર વિસ્ફોટ થયો હતો, જેમાં 12 લોકોના મોત થયા હતા અને ઘણા લોકો ઘાયલ થયા હતા. બ્લાસ્ટ સમયે કાર કોર્ટ સંકુલના પાર્કિંગ એરિયામાં પાર્ક કરવામાં આવી હતી. વિસ્ફોટનો અવાજ દૂર દૂર સુધી સંભળાયો હતો જેના કારણે આસપાસના વિસ્તારમાં સનસનાટી મચી ગઈ હતી.
પાકિસ્તાનના રક્ષા મંત્રી ખ્વાજા આસિફે આ ઘટનાને દેશ માટે ગંભીર પડકાર ગણાવતા કહ્યું કે, “અમે યુદ્ધની સ્થિતિમાં છીએ. આ હુમલો અફઘાનિસ્તાન સંબંધિત આતંકવાદનો સંદેશ છે, જેને રોકવા માટે પાકિસ્તાન સંપૂર્ણ રીતે સક્ષમ છે.” તેમણે વધુમાં કહ્યું કે આ માત્ર સરહદ અથવા બલૂચિસ્તાન સાથે જોડાયેલો મુદ્દો નથી, પરંતુ સમગ્ર પાકિસ્તાન માટે ખતરો છે.
સ્થાનિક પોલીસના જણાવ્યા અનુસાર વિસ્ફોટ એવા સમયે થયો જ્યારે કોર્ટ સંકુલમાં ભારે ટ્રાફિક અને ભીડ હતી. વિસ્ફોટમાં ઘણા વકીલો અને નાગરિકો ઘાયલ થયા છે. ઘાયલોને તાત્કાલિક નજીકની હોસ્પિટલમાં દાખલ કરવામાં આવ્યા, જ્યાં તેમની સારવાર ચાલી રહી છે. પોલીસે ઘટના સ્થળને સીલ કરી પ્રાથમિક તપાસ શરૂ કરી છે.
સુરક્ષા દળો અને ફોરેન્સિક ટીમો સ્થળ પર તૈનાત છે અને વિસ્ફોટનું કારણ, સંભવિત બેદરકારી અને અન્ય પરિબળોની તપાસ કરી રહી છે. આ ઘટના બાદ કોર્ટ પરિસર અને આસપાસના વિસ્તારોમાં સુરક્ષા વ્યવસ્થા સઘન કરી દેવામાં આવી છે. તમામ કોર્ટ પ્રવૃત્તિઓ અસ્થાયી ધોરણે સ્થગિત કરવામાં આવી છે અને પોલીસે લોકોને સાવચેતી રાખવા અપીલ કરી છે. આ ઘટના બાદ કોર્ટ પરિસર અને આસપાસના વિસ્તારોમાં સુરક્ષા વ્યવસ્થા સઘન કરી દેવામાં આવી છે. તમામ કોર્ટ પ્રવૃત્તિઓ અસ્થાયી ધોરણે સ્થગિત કરવામાં આવી છે અને પોલીસે લોકોને સાવચેતી રાખવા અપીલ કરી છે.
