રાજસ્થાનના નાયબ મુખ્યમંત્રી દિયા કુમારીએ આ ઘટનાને રાજ્ય માટે ગૌરવની ક્ષણ ગણાવી હતી. તેણે કહ્યું, “જયપુરમાં IIFA એવોર્ડ્સની સિલ્વર જ્યુબિલીની ઉજવણી કરવી એ અમારા માટે ખૂબ જ આનંદની વાત છે. ઘણી મોટી ફિલ્મોનું શૂટિંગ હંમેશા રાજસ્થાનમાં થયું છે. આ ઈવેન્ટ માત્ર ભારતીય સિનેમાના મહત્વને વધારશે નહીં પરંતુ રાજ્યમાં પ્રવાસનને પણ પ્રોત્સાહન આપશે.
IIFA એવોર્ડ્સનો આ પ્રતિષ્ઠિત સમારોહ 2025માં રાજસ્થાનની રાજધાની જયપુરમાં યોજાશે. આ અવસર પર શાહરૂખ ખાને IIFA સાથેના તેમના જોડાણને યાદ કરતા કહ્યું, “IIFA મારી સૌથી સુંદર યાદોનો એક ભાગ છે. લંડનમાં પ્રથમ ઈવેન્ટથી લઈને આજ સુધી તે ભારતીય સિનેમાની વૈશ્વિક ઓળખને પ્રમોટ કરવા માટે એક ખાસ પ્લેટફોર્મ રહ્યું છે. IIFA માત્ર એક એવોર્ડ શો નથી, પરંતુ તે આપણી કલા, સંસ્કૃતિ અને વાર્તાઓને વિશ્વભરમાં લઈ જવાનો વારસો છે.”
