ઉત્તર પ્રદેશના અલીગઢ જિલ્લામાં 45 વર્ષથી વધુ સમયથી હિન્દુ સમુદાયના લોકોએ મુસ્લિમ વિસ્તારમાં બંધ મંદિરની દેખરેખ અને પૂજા કરવાની જવાબદારી લીધી છે. હિન્દુ સમુદાયના લોકોનું કહેવું છે કે આ મંદિર લાંબા સમયથી બંધ હતું. કોઈ ચોક્કસ સમુદાયના લોકોની હાજરીને કારણે હિંદુઓ અહીં પૂજા કરવા આવતા ન હતા. પરંતુ હવે આ મંદિરની સાથે તે તમામ મંદિરો કે જે લાંબા સમયથી બંધ છે અથવા જેને કોઈએ કબજો કરી લીધો છે તેની પણ તપાસ કરવામાં આવશે. તમામ હિંદુ નેતાઓએ તેમના કાર્યકરોને બંધ મંદિરોમાં તપાસ કરવા માટે એલર્ટ કરી દીધા છે.
વાસ્તવમાં મામલો અલીગઢના બન્ના દેવી પોલીસ સ્ટેશનના સરાય રહેમાનનો છે. જ્યાં 45 વર્ષથી વધુ સમયથી ખંડેર હાલતમાં રહેલા શિવ મંદિરમાં ભક્તોએ પૂજા અર્ચના કરી હતી. જેમાં ભક્તોમાં અદ્દભૂત ઉત્સાહ જોવા મળ્યો હતો. મંદિરમાં ભક્તોએ ભગવાન શિવની ભક્તિભાવપૂર્વક પૂજા-અર્ચના કરી હતી અને વિવિધ ધાર્મિક વિધિઓ પણ કરી હતી.
ભક્તોએ મંદિરને શણગાર્યું હતું.
મંદિરમાં આયોજિત ધાર્મિક કાર્યક્રમમાં મોટી સંખ્યામાં ભક્તોએ ભાગ લીધો હતો. પૂજા દરમિયાન, ભક્તોએ ભગવાન શિવના મંત્રોચ્ચાર કર્યા અને મંદિરને ગંગા જળથી પવિત્ર કર્યું. મંદિર પરિસરમાં ભજન અને કીર્તન ગુંજી રહ્યા હતા. આ પ્રસંગે ભક્તોએ મંદિરને ફૂલો અને દીવાઓથી શણગાર્યું હતું.
ધાર્મિક કાર્યક્રમોનું આયોજન
મંદિરમાં ધાર્મિક કાર્યક્રમોના આયોજનમાં સ્થાનિક હિન્દુ સંગઠનોએ પણ ભાગ લીધો હતો. જેમણે મંદિરમાં આવતા ભક્તોની વ્યવસ્થા અને સુરક્ષાની કાળજી લીધી હતી. ભક્તોએ તેમના પરિવારની સુખ, શાંતિ અને સમૃદ્ધિ માટે ભગવાન શિવને પ્રાર્થના કરી હતી. મંદિરનું ઐતિહાસિક અને ધાર્મિક મહત્વ સરાય રહેમાનની ગીચ મુસ્લિમ વસ્તીમાં ભક્તો માટે આકર્ષણનું કેન્દ્ર બનાવે છે. ધાર્મિક કાર્યક્રમોની સાથે ભક્તોએ પ્રસાદ વિતરણ અને ભંડારાનો પણ લ્હાવો લીધો હતો. જેના કારણે દરેકના ચહેરા પર ખુશી સ્પષ્ટ દેખાતી હતી.
